బిగ్‌బాస్ 10 తెలుగు కంప్లీట్‌గా గ్రూప్‌ల మీదే నడుస్తోంది. ప్రస్తుతం అయితే పది మంది ఒక గ్రూప్ అదే త్రిగుణ్ గ్రూప్… ముగ్గురు ఒక గ్రూప్. ఇది ముఖేష్ గ్రూప్. ఎక్కడైనా బలం ఎక్కువ ఉన్నవారిదే హవా కాబట్టి హౌస్‌లో త్రిగుణ్ గ్రూప్ హవానే నడుస్తోంది. హౌస్‌లో సోమవారం నామినేషన్స్ పర్వం ప్రారంభమైంది. ఇవాళ కూడా నామినేషన్స్ నడవనున్నాయి. అయితే నిన్నంతా నామినేషన్స్ ముఖేష్, వర్షిణి చుట్టే తిరిగాయి. పది మందిలో ఆరుగురు ముఖేష్‌ను నామినేట్ చేశారు.
అయితే నామినేషన్స్ తర్వాత ఏదో పెద్ద గొడవ జరిగినట్టుగా తెలుస్తోంది. అందరూ వచ్చి ముఖేష్‌పై పడిపోయారని సమాచారం. అంతకు ముందే ముఖేష్‌ను వర్షిణి రెచ్చగొట్టిందని తెలుస్తోంది. అప్పటికే కాక ఎత్తిపోయి ఉన్న ముఖేష్‌పై త్రిగుణ్ గ్రూప్ అంతా ఒక్కసారిగా అతనిపై పడిపోయిందట. దీంతో ముఖేష్ ట్రిగర్ అయిపోయి నోరు జారినట్టుగా తెలుస్తోంది.
రెడ్ కార్డు ఇచ్చేంత తప్పు చేసినట్టుగా తెలుస్తోంది. అదేంటనేది బిగ్‌బాస్ లైవ్‌లో చూపించలేదు కానీ నరేష్, సుధీర్ సంభాషణలో ఈ విషయం తెలిసింది. ఇంతకాలం ఆడిన ఆటంతా ఒక్కరోజుతో పోగొట్టుకున్నాడని సుధీర్ చెప్పాడు.
నీతూ కూడా ముఖేష్ గేమ్ వర్షిణి కారణంగా నాశనమవుతోందని ముందుగానే చెప్పాను కదా అని అన్నది. శివ్ బాగా ట్రిగ్గర్ చేశాడని శ్వేత చెప్పింది. మెయిన్ వర్షిణి, ముఖేష్ బాగా డౌన్ ఫాల్ అయ్యారని.. సేమ్ రోహిత్ కూడా ఇలాగే అయ్యాడని శ్వేత చెప్పింది. ఈ మాటలు మార్జిన్ దాటి ఉన్నాయని సింపతి వర్కవుట్ అయ్యే అవకాశం లేదని అమన్ అన్నాడు.
మొత్తానికి దారుణంగా ఏదో గొడవ జరిగింది. రోహిత్‌ను కూడా ఇలాగే రెచ్చగొట్టారు. ఆ సమయంలో ట్రిగ్గర్ అయిపోయి రోహిత్ నోరు జారి కొన్ని సందర్భాల్లో బ్యాడ్ అయిపోయాడు. అలాగే ముఖేష్‌ను కూడా ఇష్టానుసారంగా శివ్, త్రిగుణ్ తదితరులంతా రెచ్చగొట్టాడని వాళ్ల మాటల ద్వారా తెలుస్తోంది. అసలేం జరిగిందో తెలియాలంటే ఇవాళ షో చూడాల్సిందే.
