రామ్ చరణ్ హీరోగా బుచ్చిబాబు సానా దర్శకత్వంలో వచ్చిన ‘పెద్ది’ సినిమా ఎంతటి సెన్సేషన్ క్రియేట్ చేసిందో ప్రత్యేకంగా చెప్పాల్సిన పనిలేదు. అయితే ఈ సినిమాలో తన క్యారెక్టర్ పై హీరోయిన్ జాన్వీ కపూర్ రీసెంట్ గా కరణ్ జోహార్ షోలో చేసిన కామెంట్స్ ఇప్పుడు సోషల్ మీడియాలో హాట్ టాపిక్ గా మారాయి. ఈ సినిమాలో తనను ఎక్స్‌ట్రీమ్‌గా ఆబ్జెక్టిఫై చేశారని, తన క్యారెక్టర్ ను తెరపై ప్రెజెంట్ చేసిన విధానం చాలా ప్రాబ్లమాటిక్ గా ఉందని ఆమె ఓపెన్ అవ్వడం అందరికీ షాక్ ఇచ్చింది. ఆ సమస్యాత్మక సన్నివేశాలు తీస్తున్నప్పుడే తాను దర్శకుడిని క్వశ్చన్ చేయాల్సింది కానీ, అప్పుడు ఎందుకో సైలెంట్ గా ఉండిపోయానని ఆమె చెప్పుకొచ్చింది. ఆ ఎక్స్పీరియన్స్ తనకు చాలా వయొలేటింగ్ గా అనిపించిందని జాన్వీ చెప్పిన మాటలు ఇప్పుడు టాలీవుడ్ సర్కిల్స్ లో పెద్ద డిబేట్ కు దారి తీశాయి.
ఇదే ఇంటర్వ్యూలో సౌత్ ఇండస్ట్రీ వర్కింగ్ స్టైల్ మీద కూడా జాన్వీ కొన్ని ఆసక్తికరమైన కామెంట్స్ చేసింది. సౌత్ లో షూటింగ్ కు ముందుగా బౌండెడ్ స్క్రిప్ట్ ఇచ్చే అలవాటు మేకర్స్ కు చాలా తక్కువని ఆమె పరోక్షంగా సెటైర్లు వేసింది. స్క్రిప్ట్ లో కేవలం డైలాగ్స్, సీన్స్ మాత్రమే రాశారని, కానీ షూటింగ్ టైమ్ లో కెమెరా యాంగిల్స్ ఇంత దారుణంగా ఉంటాయని తనకు ముందే చెప్పలేదని కవర్ చేసుకునే ప్రయత్నం చేసింది. ఒక స్టార్ కిడ్ గా తనకు ఉన్న ప్రివిలేజ్ ను వాడుకుని ఆ అభ్యంతరకరమైన సీన్స్ ను అడ్డుకోలేకపోయానని, అది తన పొరపాటేనని ఆమె రిగ్రెట్ ఫీల్ అయింది. కనీసం తనకి ఎదురైన ఈ ఎక్స్పీరియన్స్ చూసిన తర్వాత అయినా సరే, డైరెక్టర్లు ఒక లీడ్ హీరోయిన్ ను తెరపై గ్లామరస్ గా ప్రెజెంట్ చేసే ముందు ఒకటికి రెండుసార్లు ఆలోచిస్తారని తాను ఆశిస్తున్నట్లు జాన్వీ ఓపెన్ గా తన ఒపీనియన్ చెప్పేసింది.
జాన్వీ కపూర్ చెప్పిన ఈ విషయాలన్నీ వినడానికి బాగానే ఉన్నా, ఇలా వ్యవహారం మొత్తాన్ని మన డైరెక్టర్ మీద తోసేయడం మాత్రం చాలా కామెడీగా ఉందని నెటిజన్లు గట్టిగా కౌంటర్లు వేస్తున్నారు. హీరోయిన్లను గ్లామరస్ గా, ఆబ్జెక్టిఫై చేసి చూపించడం అనేది కేవలం సౌత్ ఇండస్ట్రీకే పరిమితం కాలేదు. బాలీవుడ్ లో ఇంతకంటే దారుణంగా హీరోయిన్లను షోకేస్ చేసిన సినిమాలు, బికినీ సీన్స్, ఐటెం సాంగ్స్ ఎన్నో ఉన్నాయి కదా అని ఫ్యాన్స్ ప్రశ్నిస్తున్నారు. అసలు ఒక భారీ కమర్షియల్ సినిమాలో నటిస్తున్నప్పుడే అందులో గ్లామర్ యాంగిల్ ఏ స్థాయిలో ఉంటుందో హీరోయిన్లకు ముందే ఒక క్లారిటీ ఉంటుంది. షూటింగ్ సెట్ లో కెమెరా ఎక్కడ పెట్టారు, యాంగిల్స్ ఎలా ఉన్నాయి అనేది మానిటర్ లో చూసుకునే అవకాశం కూడా కచ్చితంగా ఉంటుంది. ఇదంతా తెలిసి కూడా ఇప్పుడు కేవలం దర్శకుడిని మాత్రమే బ్లేమ్ చేస్తూ మాట్లాడటం ఏమాత్రం కరెక్ట్ కాదని ఆడియన్స్ ఫైర్ అవుతున్నారు.
ఇక్కడ అందరూ పాయింట్ అవుట్ చేస్తున్న ఇంకొక ముఖ్యమైన విషయం ఏంటంటే, సినిమా రిలీజ్ కి ముందు ప్రమోషన్స్ టైమ్ లో ఇదే జాన్వీ కపూర్ దర్శకుడు బుచ్చిబాబు గురించి ఎంతో గొప్పగా చెప్పింది. ఆయన విజన్ అద్భుతం అని, ఇంత మంచి రోల్ తన కెరీర్ లోనే దొరకలేదని ఆకాశానికి ఎత్తేసింది. కానీ తీరా సినిమా రిలీజ్ అయ్యాక, ఆ సీన్స్ పై సోషల్ మీడియాలో నెగిటివ్ విమర్శలు రావడం మొదలుపెట్టగానే వెంటనే ప్లేట్ ఫిరాయించేసింది. వచ్చిన విమర్శల నుంచి తనను తాను కాపాడుకోవడం కోసం, ఏకంగా తప్పు మొత్తాన్ని దర్శకుడి మీద తోసేయడం ఇండస్ట్రీలో ఎవరికీ నచ్చడం లేదు. సినిమా హిట్ అయితే ఆ క్రెడిట్ అంతా తమ అకౌంట్ లో వేసుకునే స్టార్స్, ఇలా చిన్న విమర్శలు రాగానే మాత్రం మేకర్స్ ను బలిపశువులను చేయడం ఏమాత్రం ప్రొఫెషనల్ అనిపించుకోదు అనే కామెంట్స్ బలంగా వినిపిస్తున్నాయి.
ఈ మొత్తం కాంట్రవర్సీలో నెటిజన్లు ప్రధానంగా గుర్తు చేస్తున్న మరో విషయం బుచ్చిబాబు సానా రెస్పాన్స్. ‘పెద్ది’ సినిమా రిలీజ్ అయిన రోజే ఆ సీన్స్ పై విమర్శలు రాగానే, దర్శకుడు బుచ్చిబాబు వెంటనే స్పందించి బహిరంగంగా క్షమాపణలు చెప్పాడు. తన ఇంటెన్షన్ తప్పు కాకపోయినా ఎవరినైనా హర్ట్ చేసి ఉంటే సారీ అని చాలా హుందాగా వ్యవహరించాడు. బుచ్చిబాబు అంతలా రెస్పాన్స్ ఇచ్చి ఆ ఇష్యూకి అక్కడే ఫుల్ స్టాప్ పెట్టిన తర్వాత కూడా, ఇప్పుడు జాన్వీ కపూర్ మళ్ళీ అదే పాయింట్ ను పట్టుకుని నేషనల్ టెలివిజన్ లో ఈ రకంగా విక్టిమ్ కార్డ్ ప్లే చేయడం చాలామందికి ఆశ్చర్యాన్ని కలిగిస్తోంది. కెమెరా ముందుకు వచ్చే ముందు కాస్ట్యూమ్స్ దగ్గరి నుంచి కెమెరా యాంగిల్స్ వరకు అన్నీ హీరోయిన్ అప్రూవల్ తోనే జరుగుతాయి కాబట్టి, ఇలాంటి విషయాల్లో ఇద్దరికీ సమాన బాధ్యత ఉంటుందనే విషయాన్ని జాన్వీ లాంటి స్టార్స్ కూడా గుర్తిస్తే బాగుంటుంది.
