న్యాచురల్ స్టార్ నాని నటిస్తున్న మోస్ట్ అవైటెడ్ మూవీ ది ప్యారడైజ్ కోసం ప్రేక్షకులు ఎంతగానో ఎదురుచూస్తున్నారు. తాజాగా ఈ సినిమా సెన్సార్ కార్యక్రమాలను పూర్తి చేసుకుని విడుదలకు సిద్ధమైంది. సెన్సార్ బోర్డ్ ఈ చిత్రానికి A సర్టిఫికెట్ జారీ చేసింది. సెప్టెంబర్ 24న థియేటర్లలోకి రాబోతున్న ఈ సినిమాకు సంబంధించి సెన్సార్ రిపోర్ట్ ఇప్పుడు ఇండస్ట్రీలో హాట్ టాపిక్ గా మారింది. దాదాపు 2 గంటల 54 నిమిషాల సుదీర్ఘ నిడివితో వస్తున్న ఈ సినిమాలో యాక్షన్ డోస్ చాలా ఎక్కువగా ఉండటంతో సెన్సార్ సభ్యులు మొత్తం 21 కట్స్ చెప్పారు. అయినప్పటికీ సినిమా మీద ఎక్కడా నెగిటివ్ ఇంపాక్ట్ పడకుండా జాగ్రత్త పడ్డారు. రా అండ్ రస్టిక్ గా వస్తున్న ఈ సినిమా నుంచి సెన్సార్ బోర్డ్ సభ్యుల ద్వారా వస్తున్న బజ్ చూస్తుంటే, నాని ఖాతాలో మరో హిట్ గ్యారెంటీ అనే ఫీలింగ్ కలుగుతోంది. ముఖ్యంగా ఈ సెన్సార్ టాక్ సినిమా మీద అంచనాలను అమాంతం పెంచేసింది.
దర్శకుడు శ్రీకాంత్ ఓదెల ఈ సినిమాను తెరకెక్కించిన విధానం సెన్సార్ సభ్యులను సైతం ఆశ్చర్యానికి గురిచేసిందని తెలుస్తోంది. కేవలం యాక్షన్, బ్లడ్ బాత్ మాత్రమే కాదు, ఈ సినిమాలో ఎమోషన్ పక్కాగా వర్కవుట్ అయ్యిందని సమాచారం. సినిమా ఫస్ట్ లుక్ చూసి ఇదొక పక్కా యాక్షన్ సినిమా అని, బూతులు కూడా ఎక్కువగా ఉంటాయేమో అని లోపలికి వెళ్లిన సెన్సార్ వాళ్లకు శ్రీకాంత్ ఓదెల ఒక పెద్ద సర్ ప్రైజ్ ఇచ్చాడు. సినిమాలో చూపించిన తల్లీ కొడుకుల ఎమోషనల్ సీన్స్, వాటి వెనక ఉన్న బలమైన ఎపిసోడ్స్ చూసి వారు ఎమోషనల్ అయ్యారని ఇన్ సైడ్ టాక్. సినిమాలో యాక్షన్ డోస్ ఎక్కువగా ఉన్నప్పటికీ, కథకు ఆ వైలెన్స్ ఎందుకు అవసరం అనే విషయాన్ని శ్రీకాంత్ ఓదెల చాలా కన్విన్సింగ్ గా చెప్పడంతో బోర్డ్ మెంబర్స్ కూడా శాటిస్ఫై అయ్యారు. అందుకే సినిమా డెప్త్ చెడగొట్టకుండా 21 చిన్న కట్స్ తోనే సరిపెట్టారు. ఇక ఈ సినిమాలో నాని లుక్ అయితే మామూలుగా లేదు. తన స్టన్నింగ్ మేకోవర్ తో స్క్రీన్ ప్రెజెన్స్ ను నాని నెక్స్ట్ లెవెల్ కు తీసుకువెళ్లాడని టాక్.
ఇక యాక్షన్ సీక్వెన్సుల విషయానికి వస్తే సినిమాకు చాలా మంచి బజ్ వినిపిస్తోంది. ఫస్ట్ హాఫ్ అంతా చాలా గ్రిప్పింగ్ గా నడుస్తుందని, ముఖ్యంగా ఫస్ట్ హాఫ్ లో వచ్చే జైల్ ఫైట్ సీన్ ప్రేక్షకులకు థ్రిల్ ఇస్తుందని సెన్సార్ రిపోర్ట్ ద్వారా తెలుస్తోంది. ఆ ఫైట్ సీన్ లో నాని తన ఉగ్రరూపాన్ని చూపించాడట. అలాగే ఇంటర్వెల్ సీన్ కూడా చాలా అద్భుతంగా వర్కవుట్ అయ్యిందని, అది సెకండ్ హాఫ్ మీద విపరీతమైన క్యూరియాసిటీని పెంచుతుందని సమాచారం. బ్లడ్ బాత్ ఏ మాత్రం తక్కువ లేకపోయినా, ప్రతి యాక్షన్ బ్లాక్ వెనుక ఒక స్ట్రాంగ్ రీజన్ ఉండటం వల్ల ఆడియన్స్ ఆ వైలెన్స్ కు ఈజీగా కనెక్ట్ అవుతారు. యాక్షన్ లవర్స్ కు ఈ సినిమా ఒక విజువల్ ట్రీట్ లా ఉండబోతోందని కచ్చితంగా చెప్పవచ్చు.
సంగీత దర్శకుడు అనిరుధ్ మ్యూజిక్ ఈ ది ప్యారడైజ్ సినిమాకు ఒక మేజర్ హైలైట్ అని సెన్సార్ బోర్డ్ నుంచి వస్తున్న ప్రధానమైన కామెంట్. చాలా వరకు యాక్షన్ సీన్స్ లో అనిరుధ్ అందించిన బ్యాక్ గ్రౌండ్ స్కోర్ సినిమా రేంజ్ ను అమాంతం పెంచేసింది. అతని మ్యూజిక్ థియేటర్లలో ప్రేక్షకులకు గూస్ బంప్స్ తెప్పించడం ఖాయం. ఇక సెకండ్ హాఫ్ విషయానికి వస్తే దర్శకుడు శ్రీకాంత్ ఓదెల ఎమోషన్స్ మీద ఎక్కువగా ఫోకస్ చేశాడు. యాక్షన్ తో పాటు ఆడియన్స్ ను కథలో లీనం చేసేలా సెంటిమెంట్ పండించాడు. ముఖ్యంగా ప్రీ క్లైమాక్స్, క్లైమాక్స్ ఎపిసోడ్స్ చాలా బాగా కుదిరాయని బలమైన టాక్ వినిపిస్తోంది. చివరి అరగంట ఎపిసోడ్ ఎమోషనల్ గా ఆడియన్స్ గుండెలు బరువెక్కేలా చేస్తుందని చెబుతున్నారు. ఒక కంప్లీట్ ప్యాకేజ్ లాగా నాని ఈ సినిమాను తన భుజాలపై వేసుకొని నడిపించాడు.
అయితే ఎంత పాజిటివ్ బజ్ ఉన్నప్పటికీ, ప్రతి సినిమాలో లాగే ఈ సినిమాలో కూడా కొన్ని మైనస్ పాయింట్స్ ఉన్నాయని సెన్సార్ టాక్ ద్వారా బయటకు వస్తోంది. సినిమా నిడివి 2 గంటల 54 నిమిషాలు ఉండటం ఒక రకంగా పెద్ద రిస్క్ అనే చెప్పాలి. ఫస్ట్ హాఫ్ అంతా చాలా ఫాస్ట్ గా యాక్షన్ తో పరుగులు పెట్టిన కథ, సెకండ్ హాఫ్ కు వచ్చేసరికి కొద్దిగా స్లో అయినట్లు తెలుస్తోంది. ఎమోషన్స్ మీద ఎక్కువగా దృష్టి పెట్టడం వల్ల నెరేషన్ కాస్త నెమ్మదించిందని, కొన్ని చోట్ల లాగ్ ఫీలింగ్ కలుగుతుందని అంటున్నారు. ఈ స్లో పేస్ రెగ్యులర్ కమర్షియల్ ఆడియన్స్ కు కాస్త బోర్ కొట్టించే అవకాశం ఉంది. ఈ మైనస్ పాయింట్ ను పక్కన పెడితే, ఓవరాల్ గా సెన్సార్ బోర్డ్ నుంచి ఈ చిత్రానికి మంచి రివ్యూనే దక్కింది. భారీ అంచనాలతో వస్తున్న ది ప్యారడైజ్ అటు ఎమోషన్స్, ఇటు యాక్షన్ తో ప్రేక్షకులను మెప్పించడానికి సెప్టెంబర్ 24న ఏ రేంజ్ లో రెడీ అయిందో చూడాలి. నాని, శ్రీకాంత్ ఓదెల కాంబోలో వస్తున్న ఈ మాస్ జాతర బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందో అని అభిమానులు ఆసక్తిగా ఎదురుచూస్తున్నారు.
