బిగ్‌బాస్ హౌస్‌లో సెలబ్రిటీల హవా నడుస్తోంది. వీకెండ్‌లో హోస్ట్ నాగార్జున వచ్చినా కూడా వాళ్లకే న్యాయం చేసి.. కామనర్స్‌ని బాగా డౌన్ చేసి వెళుతున్నారని నెట్టింట ఆగ్రహం వ్యక్తం చేస్తోంది. దీనికి కారణం.. శనివారం నాగ్.. వర్షిణిని ‘చెప్పుతో కొట్టురా’ అన్న మాటకు ప్రశ్నించలేదు. ముఖేష్ ఆడిన చెత్త గేమ్‌పై ప్రశంసలు కురిపించారు. తన టీంను పక్కనబెట్టి వేరొక టీంను నడిపిస్తే దానికి ప్రశంసలేంటని ప్రేక్షకులు మండిపడుతున్నారు. రామ్ ప్రసాద్ చాలా విషయాల్లో ఇష్టానుసారంగా ప్రవర్తించాడు. అగ్నిపరీక్షను చాలా చులకనగా త్రిగుణ్, ముఖేష్ మాట్లాడారు. దాని గురించే నాగ్ ఏనాడూ ప్రశ్నించలేదు.. రోహిత్‌ను కొన్ని గంటల పాటు నిలబెట్టి నానా రచ్చ చేశారు. వాస్తవానికి బిగ్‌బాస్‌నే రోహిత్ అన్నాడు అనడానికి స్పష్టమైన ఆధారం కూడా లేదు.
ఒక వీడియోను ప్లే చేసి అది బిగ్‌బాస్‌నే అన్నాడంటూ నాగ్ నానా రచ్చ చేయడంతో నెట్టింట అతనికి మద్దతు బాగా పెరిగింది. ఇక సెలబ్రిటీలంతా కలిసి స్కెచ్ గీసి మరీ కామనర్స్‌ని నామినేషన్స్‌లోకి లాగారు. ఈ క్రమంలోనే ఈసారి కామనర్స్ ఎలిమినేషన్ అనివార్యమైంది. అందరూ సేవ్ అయిపోయి.. లాస్ట్ ఇద్దరిలో సృష్టి, షాలిని నిలిచారు. వారిలో సృష్టిని నాగ్ ఎలిమినేట్ చేస్తున్నట్టుగా ప్రకటించారు. దీంతో సృష్టి ఎలిమినేట్ అయిపోయింది. ఇదిలా ఉండగా.. వచ్చే వారం నుంచి నాగ్ ఇచ్చిన డోస్‌కు ఎలిమినేషన్స్ గురించి అయితే చర్చించరేమో కానీ ఉన్న కామనర్స్ అందరినీ నామినేషన్స్‌లోకి లాగడమైతే పక్కా అని తెలుస్తోంది. ఇప్పటి నుంచి కామనర్స్‌పై ప్రెజర్ మరింత పెరిగే అవకాశం కనిపిస్తోంది. మరి దీనిని వారు ఎలా డీల్ చేస్తారు? ప్రెజర్‌ను తట్టుకుని నిలబడతారా? చూడాలి.
