Menu
BREAKING
2000 కోట్ల దిశగా రామాయణ.. ఆ రికార్డు రాముడి సొంతం అవుతుందా..?   |   నేను రాను.. వచ్చే సమస్యే లేదు.. కుండ బద్ధలు కొట్టిన రోహిత్ నాయుడు..!   |   ట్రెండింగ్‌లో జటాయు ఎర్త్స్ సెంటర్.. ఆ వైరల్ ప్లేస్ ఎక్కడుందో తెలుసా..?   |   ‘వారణాసి’ వాయిదా దాదాపు ఖాయమేనా.. కొత్త రిలీజ్ డేట్ ఎప్పుడో తెలుసా..?   |   ఫేక్ గాళ్ల తాట తీయండి.. కేంద్రమంత్రికి ఇండస్ట్రీ పెద్ద చిరంజీవి విన్నపం..!   |   అనిల్ రావిపూడితో జూనియర్ ఎన్టీఆర్.. ఇప్పుడు అవసరమా.. అవసరమే..!   |   బాహుబలి 2 ఔట్.. నెక్ట్స్ టార్గెట్ ధురంధర్ 2.. అక్కడ రామాయణ ఊచకోత..!   |   రియల్ స్టార్ శ్రీహరి ఇంట శుభకార్యం.. పెళ్ళి కొడుకు అవుతున్న పెద్ద కొడుకు..!   |   Bigg Boss10 Telugu: మీరు మీరు కొట్టుకోండి.. మమ్మల్ని ఎంటర్‌టైన్ చేయండి..   |   Bigg Boss10 Telugu: బిగ్‌బాస్ నుంచి ఈవారం ఎలిమినేట్ అయ్యిందెవరంటే…?   |   ప్రముఖ నటుడు గిరిబాబు కన్నుమూత.. చివరి రోజుల్లో ఎలా గడిచిందో తెలుసా..?   |   Bigg Boss10 Telugu: ముఖేష్ వర్సెస్ వర్షిణి బిగ్‌ ఫైట్.. ఎప్పుడూ చూస్తామనుకోలే..   |   Bigg Boss10 Telugu: శివ్‌కు రాంగ్ గైడెన్స్ ఇచ్చిన ప్రియాంక.. ఇక కష్టమే..   |   Bigg Boss10 Telugu: అందరికీ పరోక్షంగా ప్రియాంక వార్నింగ్.. ముఖేష్ తల్లి సూపర్బ్..   |   Bigg Boss10 Telugu: ఎవరెవరు వచ్చారు? ఏ ఏ హింట్స్ ఇచ్చారంటే…

శ్రీకాంత్ కూతురు మేధ హీరోయిన్‌గా సక్సెస్ అవుతుందా..?

శ్రీకాంత్ కూతురు మేధ హీరోయిన్‌గా సక్సెస్ అవుతుందా..?

టాలీవుడ్‌లో హీరోల కొడుకులు ఎంట్రీ ఇవ్వడం, స్టార్‌లుగా ఎదగడం చాలా కామన్. వారసత్వం అనగానే అందరి దృష్టి వెంటనే కొడుకుల వైపే వెళ్తుంది కానీ, కూతుర్ల విషయానికి వస్తే మాత్రం సీన్ వేరుగా ఉంటుంది. ముఖ్యంగా స్టార్ హీరోల కూతుర్లు హీరోయిన్లుగా ఎంట్రీ ఇచ్చి సక్సెస్ అయిన సందర్భాలు మన తెలుగు ఇండస్ట్రీలో చాలా తక్కువ. ఒక రకంగా చెప్పాలంటే అదొక పెద్ద సవాల్. ఇలాంటి క్లిష్టమైన పరిస్థితుల్లో, ఫ్యామిలీ హీరో శ్రీకాంత్, సీనియర్ నటి ఊహల గారాల పట్టి మేధ మేక హీరోయిన్‌గా టాలీవుడ్‌కి పరిచయం కాబోతోంది. హీరోగా ఎన్నో బ్లాక్ బస్టర్ హిట్స్ అందుకున్న శ్రీకాంత్ వారసురాలిగా ఎంట్రీ ఇస్తున్న మేధ, గ్లామర్ ఫీల్డ్‌లో ఎంతవరకు సక్సెస్ అవుతుంది, ఆ పాత సెంటిమెంట్‌ను బ్రేక్ చేస్తుందా లేదా అనేది ఇప్పుడు ఆసక్తికరంగా మారిందిప్పుడు.

మేధ మేక ఎంట్రీ ఏదో చిన్న బ్యానర్‌లో కాకుండా, టాలీవుడ్ అగ్ర నిర్మాణ సంస్థ మైత్రీ మూవీ మేకర్స్ చేతుల మీదుగా జరుగుతుండటం విశేషం. జై జాస్తి హీరోగా, మేధ మేక హీరోయిన్‌గా మైత్రీ మూవీ మేకర్స్ బ్యానర్‌పై ఒక బ్యూటిఫుల్ రొమాంటిక్ ఎంటర్టైనర్ లాంచ్ అయింది. ఈ సినిమాతో పృథ్వీ వనం దర్శకుడిగా ఇండస్ట్రీకి పరిచయం అవుతున్నారు. ఇక మిస్ శెట్టి మిస్టర్ పోలిశెట్టి, ఆంధ్ర కింగ్ తాలూకా లాంటి సినిమాలతో తన మార్క్ చూపించిన టాలెంటెడ్ డైరెక్టర్ మహేష్ బాబు పి ఈ సినిమాకు క్రియేటర్‌గా వ్యవహరిస్తున్నారు. రీసెంట్‌గా రిలీజ్ అయిన ఫస్ట్ లుక్ ప్రేక్షకుల్లో ఈ కొత్త జంటపై మంచి క్యూరియాసిటీని పెంచింది. మైత్రీ లాంటి పెద్ద బ్యానర్ అండ, మంచి టెక్నికల్ టీమ్ ఉండటంతో మేధ ఎంట్రీ చాలా గ్రాండ్‌గానే ప్లాన్ చేశారని అర్థమవుతోంది.

అయితే టాలీవుడ్ హిస్టరీ చూసుకుంటే స్టార్ హీరోల కూతుర్లు హీరోయిన్లుగా సక్సెస్ అయిన ట్రాక్ రికార్డ్ పెద్దగా కనిపించదు. గతంలో నటశేఖర కృష్ణ కూతురు మంజుల, కలెక్షన్ కింగ్ మోహన్ బాబు వారసురాలు మంచు లక్ష్మి, నాగబాబు కూతురు నిహారిక లాంటి వాళ్లు సినిమాల్లోకి వచ్చారు. నటన పరంగా వాళ్లు మంచి మార్కులు వేయించుకున్నా, కమర్షియల్ హీరోయిన్లుగా మాత్రం ఆశించిన స్థాయిలో సక్సెస్ అందుకోలేకపోయారు. ఇక్కడి ఆడియన్స్ మైండ్‌సెట్ కూడా మన స్టార్ హీరోల కూతుర్లను గ్లామరస్ రోల్స్‌లో చూడటానికి పెద్దగా యాక్సెప్ట్ చేయదు అనే ఒక టాక్ ఇండస్ట్రీలో బలంగా ఉంది. ఇలాంటి ఎన్నో లెక్కలు, సెంటిమెంట్స్ ఉన్న ఈ ఇండస్ట్రీలో మేధ ఎలాంటి కథలు ఎంచుకుంటుంది, తనకంటూ ఎలాంటి ప్రత్యేకమైన ఇమేజ్ క్రియేట్ చేసుకుంటుంది అనేది ఆమె కెరీర్‌ను డిసైడ్ చేస్తుంది.

శ్రీకాంత్ కూతురు మేధ హీరోయిన్‌గా సక్సెస్ అవుతుందా..?

ఒకవైపు తెర మీద సక్సెస్ కోసం మేధ లాంటి వాళ్లు రెడీ అవుతుంటే, టాలీవుడ్‌లో మరో ట్రెండ్ కూడా సైలెంట్‌గా నడుస్తోంది. అదేంటంటే ఇండస్ట్రీలో స్టార్ హీరోల వారసురాళ్లు ఇప్పుడు తెరవెనక తమ తండ్రులకు అతి పెద్ద బలంగా మారుతున్నారు. హీరోయిన్లుగా కెమెరా ముందుకు రాకపోయినా, ప్రొడక్షన్ వ్యవహారాలు, కథల ఎంపిక, స్టైలింగ్ లాంటి విషయాల్లో తమ తండ్రుల కెరీర్‌ను వాళ్లే దగ్గరుండి గైడ్ చేస్తున్నారు. ఒకరకంగా చెప్పాలంటే ఆ స్టార్ హీరోల సక్సెస్‌లో ఈ వారసురాళ్లు కీ రోల్ ప్లే చేస్తున్నారు. బయట ప్రపంచానికి పెద్దగా కనిపించకపోయినా, తండ్రుల ఇమేజ్ మార్చడంలో, వాళ్ల నెక్స్ట్ ప్రాజెక్ట్స్ ఫైనల్ చేయడంలో ఈ కూతుర్లదే ఫైనల్ డెసిషన్ అన్నట్లుగా పరిస్థితి పూర్తిగా మారిపోయింది.

దీనికి బెస్ట్ ఎగ్జాంపుల్స్ మన టాలీవుడ్ సీనియర్ హీరోలే. మెగాస్టార్ చిరంజీవి ఖైదీ నెం 150 నుంచి ఆయన స్టైలింగ్, కాస్ట్యూమ్స్ అన్నీ ఆయన పెద్ద కూతురు సుష్మితనే చూసుకుంటున్నారు. అలాగే నిర్మాతగా కూడా మారి నాన్న వెంటే ఉంటున్నారు. ఇక నటసింహం బాలకృష్ణ ఇమేజ్‌ను అఖండ నుంచి పూర్తిగా మార్చేసి, ఆయన కథల ఎంపికలో కీలక పాత్ర పోషిస్తోంది ఆయన చిన్న కూతురు తేజస్విని. అటు మాస్ మహారాజా రవితేజ విషయానికి వస్తే, ఆయన కూతురు మోక్షద కూడా ఇప్పుడు నాన్న వెంటే ఉంటూ కథల ఎంపికలో తన వంతు సాయం చేస్తోంది. రీసెంట్‌గా రవితేజ కొత్త సినిమా తులాభారం ఓపెనింగ్‌లో కూడా మోక్షద సందడి చేసింది. ఇలా వారసురాళ్లంతా తెరవెనక తండ్రులకు స్టార్డమ్ తీసుకొస్తుంటే, శ్రీకాంత్ కూతురు మేధ మాత్రం హీరోయిన్‌గా తెర మీద తన అదృష్టాన్ని పరీక్షించుకోవడానికి రంగంలోకి దిగింది. మరి ఈమె రిజల్ట్ ఎలా ఉండబోతుందో చూడాలి.

Telugu Cinema 360

Writer and contributor at Telugu Cinema 360