హ్యాపీ బర్త్ డే టబు.. అప్పుడు పండు.. ఇప్పుడు మహంతి ఝాన్సీ రాణి..!

సిల్వర్ స్క్రీన్ మీద కొన్ని పెయిర్స్ మ్యాజిక్ ఎప్పటికీ మర్చిపోలేం. అలాంటి ఎవర్ గ్రీన్ కాంబినేషన్స్ లో అక్కినేని నాగార్జున, టబు జోడీ ఒకటని చెప్పాలి. టాలీవుడ్ క్యూట్ అండ్ రొమాంటిక్ పెయిర్ అనగానే మనకు టక్కున గుర్తొచ్చేది ఈ జంటే. క్రియేటివ్ డైరెక్టర్ కృష్ణవంశీ తెరకెక్కించిన ‘నిన్నే పెళ్లాడతా’ సినిమాలో వీళ్ళిద్దరి రొమాన్స్ కు ఆడియన్స్ ఎంతలా ఫిదా అయ్యారో స్పెషల్ గా చెప్పాల్సిన పనే లేదు. ఆ సినిమాలో వీళ్ల ఆన్ స్క్రీన్ కెమిస్ట్రీ బాక్సాఫీస్ దగ్గర బ్లాక్ బస్టర్ కొట్టింది. ఆ తర్వాత ‘ఆవిడా మా ఆవిడే’ సినిమాలో కూడా వీళ్లిద్దరూ జంటగా నటించి మరో సాలిడ్ హిట్ ని తమ ఖాతాలో వేసుకున్నారు. అలా రెండు అద్భుతమైన హిట్స్ తో తెలుగు ఆడియన్స్ మనసులో ఒక స్పెషల్ ప్లేస్ సంపాదించుకున్న ఈ సూపర్ హిట్ జోడీ, ఇప్పుడు ఇన్నేళ్ల లాంగ్ గ్యాప్ తర్వాత మరోసారి సిల్వర్ స్క్రీన్ పై మ్యాజిక్ చేయడానికి రెడీ అవుతోంది.

కింగ్ నాగార్జున కెరీర్ లో ప్రతిష్టాత్మకంగా తెరకెక్కుతున్న 100వ సినిమాలో ఈ హిట్ పెయిర్ మళ్లీ రిపీట్ అవుతోంది. ‘కింగ్ 100’ టైటిల్ తో రూపొందుతున్న ఈ సినిమాలో టబు ఒక పవర్ ఫుల్ క్యారెక్టర్ లో కనిపించబోతోంది. అయితే ఇక్కడే ఒక పెద్ద ట్విస్ట్ ఉందండోయ్. అప్పట్లో నిన్నే పెళ్లాడతా సినిమాలో ‘పండు’ అంటూ టబు వెనకాల తిరిగి రొమాన్స్ చేసిన నాగార్జున, ఇప్పుడు ఈ సినిమాలో మాత్రం ఆమెతో రొమాన్స్ చేయడం లేదు. అప్పుడు లవర్స్ లాగా కనిపించిన ఈ జోడీ, ఇప్పుడు కింగ్ 100లో మాత్రం ఉప్పు నిప్పులా ఢీ కొట్టుకోబోతున్నారని తెలుస్తోంది. ఒకప్పుడు నాగ్ తన రొమాన్స్ తో టబును ఏడిపిస్తే, ఇప్పుడు మాత్రం టబు తన యాక్షన్ తో అందరినీ ఏడిపించే రేంజ్ లో రెడీ అయినట్లు సమాచారం. వినడానికి చాలా ఇంట్రెస్టింగ్ గా ఉన్న ఈ పాయింట్ సినిమాపై అంచనాలను అమాంతం పెంచేస్తోంది.

నవంబర్ 4వ తేదీన టబు పుట్టినరోజు సందర్భంగా కింగ్ 100 మూవీ టీమ్ నుంచి ఒక సర్ప్రైజ్ గిఫ్ట్ వచ్చింది. సినిమాలో టబు క్యారెక్టర్ ను రివీల్ చేస్తూ ఒక స్పెషల్ టీజర్ ను రిలీజ్ చేశారు మేకర్స్. ఈ టీజర్ చూస్తుంటేనే సినిమాలో ఆమె క్యారెక్టరైజేషన్ ఎంత స్ట్రాంగ్ గా ఉండబోతుందో స్పష్టంగా అర్థమవుతుంది. దర్శకుడు రా కార్తీక్ ఈ సినిమాలో టబుని ‘మహంతి ఝాన్సీ రాణి’ అనే ఒక పవర్ ఫుల్ అండ్ అగ్రెసివ్ క్యారెక్టర్ లో ప్రెజెంట్ చేశాడు. చీర కట్టుకుని, కళ్లలో కసి కనిపిస్తూ ఒక పవర్ ఫుల్ పొలిటికల్ లీడర్ లాగా టబు ఎంట్రీ ఇచ్చిన తీరు ఆడియన్స్ కి గూస్ బంప్స్ తెప్పిస్తోంది. ఇన్నాళ్లూ సాఫ్ట్ అండ్ గ్లామర్ రోల్స్ తో మెప్పించిన టబు, ఇప్పుడు ఇంత ఇంటెన్స్ రోల్ లో కనిపించడం సినిమాకు బిగ్గెస్ట్ ప్లస్ పాయింట్ కానుంది.

ఈ టీజర్ లో టబు క్యారెక్టర్ కి ఇచ్చిన ఎలివేషన్ డైలాగ్ అయితే మామూలుగా లేదు. “ప్రపంచంలో హార్డ్ వర్క్ ని నమ్మేవాళ్లు ఒకరకం, లక్ ని నమ్మేవాళ్లు ఇంకో రకం.. కానీ నేను మాత్రం లక్ ని అస్సలు నమ్మను” అంటూ ఆమె చెప్పిన డైలాగ్ పీక్స్ లో ఉంది. ఈ ఒక్క డైలాగ్ తోనే ఝాన్సీ రాణి క్యారెక్టర్ ఎంత డేరింగ్ అండ్ డాషింగ్ గా ఉంటుందో డైరెక్టర్ కార్తీక్ క్లియర్ గా హింట్ ఇచ్చేశాడు. ఈ పవర్ ఫుల్ లేడీ లీడర్ క్యారెక్టర్ ని నాగార్జున ఎలా ఫేస్ చేస్తాడు, వీళ్లిద్దరి మధ్య జరిగే మైండ్ గేమ్ ఎలాంటి ట్విస్ట్ లతో ఉండబోతుంది అనేది ఈ సినిమా మెయిన్ స్టోరీ అని తెలుస్తోంది. నాగార్జున హీరోగా, టబు లాంటి సీనియర్ యాక్ట్రెస్ ఒక బలమైన పాత్రలో నటిస్తుండటంతో కింగ్ 100పై ఇండస్ట్రీలో సైతం భారీ ఎక్స్ పెక్టేషన్స్ నెలకొన్నాయి.

నాగార్జునకు ఇది మైల్ స్టోన్ మూవీ కావడంతో మేకర్స్ ఎక్కడా కాంప్రమైజ్ కాకుండా ఈ సినిమాను పక్కా కమర్షియల్ ఎంటర్టైనర్ గా రూపొందిస్తున్నారు. నాగార్జున మార్క్ యాక్షన్, ఎంటర్టైన్మెంట్ తో పాటు డైరెక్టర్ కార్తీక్ స్టైల్ గ్రిప్పింగ్ స్క్రీన్ ప్లే ఈ సినిమాకు హైలైట్ గా నిలవబోతున్నాయి. అన్నపూర్ణ స్టూడియోస్ బ్యానర్‌పై అక్కినేని ఫ్యామిలీ అత్యంత భారీ బడ్జెట్ తో ఈ చిత్రాన్ని నిర్మిస్తుంది. శరవేగంగా షూటింగ్ జరుపుకుంటున్న ఈ మూవీని అన్ని పనులు కంప్లీట్ చేసి ఈ ఏడాది డిసెంబర్ 24వ తేదీన క్రిస్మస్ కానుకగా ప్రపంచవ్యాప్తంగా థియేటర్లలోకి తీసుకురావడానికి మేకర్స్ సన్నాహాలు చేస్తున్నారు. ఏదేమైనా ఇన్నేళ్ల తర్వాత నాగార్జున, టబు మధ్య రొమాన్స్ కాకుండా ఈసారి ఒక పవర్ ఫుల్ వార్ చూడబోతున్నామన్న మాట.