సౌత్ ఇండస్ట్రీలో ఇప్పుడు బాక్సాఫీస్ లెక్కలు పూర్తిగా మారిపోయాయి. టాలీవుడ్, బాలీవుడ్, కన్నడ ఇండస్ట్రీలు ఇప్పటికే 1000 కోట్ల క్లబ్ లోకి ఎంట్రీ ఇచ్చేసాయి. బాహుబలి(Baahubali), ఆర్ఆర్ఆర్(RRR), కేజీఎఫ్(KGF), పఠాన్(Pathan), ధురంధర్ (Dhurandhar) లాంటి సినిమాలు వసూళ్ల వర్షం కురిపించి ఆ మ్యాజిక్ ఫిగర్ ను దాటేశాయి. కానీ తమిళ్ ఇండస్ట్రీలో మాత్రం ఇప్పటివరకు ఆ 1000 కోట్ల సినిమా అనేది ఒక కలగానే మిగిలిపోయింది. కోలీవుడ్ కు కూడా మార్కెట్ బాగానే పెరిగింది, పాన్ ఇండియా రేంజ్ లో సినిమాలు రిలీజ్ అవుతున్నాయి, కానీ ఆ ఒక్క మ్యాజిక్ మార్క్ మాత్రం ఇంకా ఎవరూ టచ్ చేయలేదు. అక్కడ స్టార్ హీరోలు ఎంతోమంది ఉన్నప్పటికీ, బాక్సాఫీస్ దగ్గర ఆ స్థాయిలో వసూళ్లు రాబట్టడం అనేది వాళ్లకు ఇంకా ఒక సవాలుగానే మారింది. ఈ రేసులో ఎప్పటికైనా ఆ రికార్డ్ బ్రేక్ చేసే సత్తా ఉన్న ఒకే ఒక్క హీరో సూపర్ స్టార్ రజనీకాంత్ అని తమిళ ఆడియన్స్ బలంగా నమ్ముతున్నారు.
రజనీకాంత్ (Rajinikanth)కు ఉన్న క్రేజ్ గురించి, ఆయన స్టామినా గురించి కొత్తగా చెప్పాల్సిన అవసరం లేదు. వెయ్యి కోట్ల కలెక్షన్స్ కు ఆయన చాలా దగ్గర వరకు వచ్చారు. శంకర్ దర్శకత్వంలో వచ్చిన రోబో సీక్వెల్ 2.0 సినిమా అప్పట్లో వరల్డ్ వైడ్ గా ఒక సెన్సేషన్ క్రియేట్ చేసింది. ఆ సినిమా ఏకంగా 750 కోట్ల వసూళ్లు రాబట్టి కోలీవుడ్ బాక్సాఫీస్ స్టామినాను ప్రపంచానికి చాటిచెప్పింది. అయితే ఆ సినిమా అక్కడ వరకు వచ్చి ఆగిపోయింది కానీ 1000 కోట్ల క్లబ్ లో మాత్రం చేరలేకపోయింది. ఆ తర్వాత వచ్చిన ఏ తమిళ సినిమా కూడా కనీసం 700 కోట్లు కూడా దాటలేదు అంటే రజనీకాంత్ సెట్ చేసిన రికార్డ్ ఎంత స్ట్రాంగ్ గా ఉందో మనం అర్థం చేసుకోవచ్చు. ఎన్ని సినిమాలు వచ్చినా, ఎంతమంది హీరోలు ట్రై చేసినా ఆయన రికార్డ్ ను బ్రేక్ చేయడం ఎవరి వల్లా కాలేదు.
తమిళ సినిమా హిస్టరీలో ఇప్పటివరకు హైయెస్ట్ కలెక్షన్స్ సాధించిన టాప్ సినిమాల లిస్ట్ చూసుకుంటే అందులో సగం సూపర్ స్టార్ సినిమాలే ఉన్నాయి. ఈ లిస్ట్ లో రజనీకాంత్ నటించిన జైలర్ సినిమా 650 కోట్ల వసూళ్లతో టాప్ లో ఉండగా, లోకేష్ కనగరాజ్ తో ఆయన చేసిన కూలీ సినిమా 514 కోట్లతో సెకండ్ ప్లేస్ లో ఉంది. ఇక విజయ్ నటించిన లియో సినిమా 500 కోట్లు, మణిరత్నం డ్రీమ్ ప్రాజెక్ట్ పొన్నియన్ సెల్వన్ 1 సినిమా 500 కోట్లు రాబట్టాయి. ఈ నాలుగు సినిమాలు మాత్రమే కోలీవుడ్ లో 500 కోట్ల మార్కును టచ్ చేసాయి. ఇవి కాకుండా వేరే ఏ సినిమా కూడా 500 కోట్ల దరిదాపుల్లోకి కూడా రాలేదు. దీన్ని బట్టి చూస్తుంటే తమిళ బాక్సాఫీస్ దగ్గర సూపర్ స్టార్ రజనీకాంత్ డామినేషన్ ఏ రేంజ్ లో ఉందో చాలా క్లియర్ గా తెలుస్తుంది.
ఇప్పుడు కోలీవుడ్ ట్రేడ్ వర్గాల కళ్లన్నీ జైలర్ సీక్వెల్ మీదే పడ్డాయి. నెల్సన్ దర్శకత్వంలో వచ్చిన జైలర్ సినిమా అప్పట్లో ఎంత పెద్ద బ్లాక్ బస్టర్ అయిందో మనందరికీ తెలుసు. ఇప్పుడు దానికి సీక్వెల్ గా వచ్చిన ఈ సినిమా బాక్సాఫీస్ దగ్గర కలెక్షన్ల సునామీ సృష్టిస్తోంది. సినిమా రిలీజ్ అయినప్పటి నుంచి థియేటర్ల దగ్గర జాతర వాతావరణం కనిపిస్తోంది. కేవలం నాలుగు రోజుల్లోనే ఈ సినిమా ఏకంగా 400 కోట్లకు పైగా గ్రాస్ కలెక్ట్ చేసి అందరికీ మైండ్ బ్లాక్ అయ్యేలా చేసింది. ఒక సినిమాకు ఓపెనింగ్స్ రావడం సహజం, కానీ నాలుగు రోజుల్లో 400 కోట్లు రావడం అంటే అది కచ్చితంగా సూపర్ స్టార్ మ్యాజిక్ అని చెప్పాలి. ఆడియన్స్ నుంచి వస్తున్న పాజిటివ్ మౌత్ టాక్ తో వీకెండ్ తర్వాత కూడా థియేటర్లు హౌస్ ఫుల్ బోర్డులతో దర్శనమిస్తున్నాయి.
ఇప్పుడు కోలీవుడ్ ఆడియన్స్, సినీ అభిమానులు ఎదురుచూస్తున్న ప్రశ్న ఒక్కటే. నాలుగు రోజుల్లో 400 కోట్లు కొల్లగొట్టిన జైలర్ సీక్వెల్ ఆ మ్యాజికల్ 1000 కోట్ల మార్క్ ను అందుకుంటుందా అని అందరూ ఆసక్తిగా వెయిట్ చేస్తున్నారు. సినిమాకు ఉన్న లాంగ్ రన్ చూస్తుంటే, అలాగే ఆన్లైన్ టికెట్ బుకింగ్స్ లో ఉన్న ట్రెండ్ చూస్తుంటే ఈ సినిమా కచ్చితంగా కోలీవుడ్ కలల రికార్డ్ ను బ్రేక్ చేస్తుందని ట్రేడ్ పండితులు అంచనా వేస్తున్నారు. ఎప్పటినుంచో తమిళ ఇండస్ట్రీ వెయిట్ చేస్తున్న ఆ థౌసండ్ వాలాను రజనీకాంత్ కచ్చితంగా పేలుస్తారని ఫ్యాన్స్ ఫుల్ కాన్ఫిడెంట్ గా ఉన్నారు. ఇదే జోరు ఇంకో 10 రోజుల పాటు కొనసాగితే మాత్రం రజనీకాంత్ ఖాతాలో 1000 కోట్ల రికార్డ్ పడటం గ్యారెంటీ. మొత్తానికి తన రికార్డులను తానే బ్రేక్ చేసుకుంటూ సూపర్ స్టార్ బాక్సాఫీస్ రారాజు అని మరోసారి నిరూపించుకోబోతున్నారు.
