వీకెండ్‌లో హోస్ట్ నాగార్జున వచ్చి శ్రష్టి, కృష్ణుడు తనకసలు కనిపించలేదని చెప్పి ఆ ఇద్దరికీ పనిష్మెంట్ కూడా ఇచ్చారు. దాని ఎఫెక్టో.. మరొకటో కానీ శ్రష్టి హౌస్‌లో రెచ్చిపోయింది. నామినేషన్స్‌లో సుధీర్‌తో గొడవకు దిగింది. పాయింట్స్ మాట్లాడితే బాగానే ఉండేది కానీ గుద్దితే పళ్లు రాలతాయ్.. ఇడియట్ అంటూ మాటలు జారింది. ఇది బయట చూసే ఆడియెన్స్‌కే కాదు.. హౌస్‌లో ఉన్న వారికి సైతం తప్పు అనిపించింది. పైగా కంటెంట్ కోసమే ఇలా చేసిందని హౌస్‌లో ప్రతి ఒక్కరూ అనుకుంటున్నారు. చివరకు రోహిత్, షాలిని సైతం ఇదే భావనలో ఉన్నారు. ఫస్ట్ వారం వంశీతో కూడా నాగ్ కనిపించడం లేదని అన్నారు. ఆ తరువాతి వారం వంశీ రెచ్చిపోయి మరీ రచ్చ చేశాడు.
వీకెండ్‌లో నాగ్ వచ్చి వంశీకి అక్షింతలు వేశారు. అది చూసిన తర్వాత కూడా శ్రష్టి గొడవ చేయడం చర్చనీయాంశంగా మారింది. ఇక ఇవాళ రిలీజ్ అయిన ప్రోమోలో కూడా సుధీర్‌ను నామినేట్ చేస్తూ శ్రష్టి చాలా ఓవర్‌గా బిహేవ్ చేసినట్టుగా అనిపించింది. అతని నెత్తిపై చెత్తను కొట్టి వెళ్లిపోయింది. ఇది మరీ ఓవర్‌గా అనిపించింది. దీని కారణంగా శ్రష్టికే బ్యాడ్ అవుతోంది. చాలా నెగిటివిటీ వస్తోంది. శ్రష్టి ఇదే కంటిన్యూ చేస్తే మాత్రం హౌస్‌లో ఉండటం కష్టమే. మరోవైపు ఈ గొడవంతా సుధీర్‌కు బాగా కలిసొచ్చింది. అంతేకాకుండా అతనికి హౌస్‌లోనూ సపోర్ట్ పెరిగింది. బయట ఓటింగ్ పోల్స్‌లోనూ అతనికి సపోర్ట్ బాగా కనిపిస్తోంది. మొత్తానికి సుధీర్‌తో గొడవపడి శ్రష్టి తన విలువను పడగొట్టుకుని.. సుధీర్ విలువను పెంచింది.
