Menu
BREAKING
అనిల్ రావిపూడితో జూనియర్ ఎన్టీఆర్.. ఇప్పుడు అవసరమా.. అవసరమే..!   |   బాహుబలి 2 ఔట్.. నెక్ట్స్ టార్గెట్ ధురంధర్ 2.. అక్కడ రామాయణ ఊచకోత..!   |   రియల్ స్టార్ శ్రీహరి ఇంట శుభకార్యం.. పెళ్ళి కొడుకు అవుతున్న పెద్ద కొడుకు..!   |   Bigg Boss10 Telugu: మీరు మీరు కొట్టుకోండి.. మమ్మల్ని ఎంటర్‌టైన్ చేయండి..   |   Bigg Boss10 Telugu: బిగ్‌బాస్ నుంచి ఈవారం ఎలిమినేట్ అయ్యిందెవరంటే…?   |   ప్రముఖ నటుడు గిరిబాబు కన్నుమూత.. చివరి రోజుల్లో ఎలా గడిచిందో తెలుసా..?   |   Bigg Boss10 Telugu: ముఖేష్ వర్సెస్ వర్షిణి బిగ్‌ ఫైట్.. ఎప్పుడూ చూస్తామనుకోలే..   |   Bigg Boss10 Telugu: శివ్‌కు రాంగ్ గైడెన్స్ ఇచ్చిన ప్రియాంక.. ఇక కష్టమే..   |   Bigg Boss10 Telugu: అందరికీ పరోక్షంగా ప్రియాంక వార్నింగ్.. ముఖేష్ తల్లి సూపర్బ్..   |   Bigg Boss10 Telugu: ఎవరెవరు వచ్చారు? ఏ ఏ హింట్స్ ఇచ్చారంటే…   |   వారెవ్వా కమ్ బ్యాక్ అంటే ఇలా ఉండాలి.. సూర్య ఆల్ టైమ్ రికార్డులు..!   |   Bigg Boss10 Telugu: నీతూపై రెచ్చిపోయిన త్రిగుణ్, వంశీ.. ఇంట్లో ఉండేందుకు అర్హత లేదంటూ..   |   రామాయణపై రామ్ గోపాల్ వర్మ రివ్యూ.. వాళ్లంతా వీధి కుక్కలు..!   |   షాకింగ్.. పవన్ కళ్యాణ్, అన్నా కొణిదెల విడాకులు..!   |   బడ్జెట్ కంట్రోలింగ్.. మలయాళం వాళ్లను చూసి మనం నేర్చుకుందామా..?

#ChiruBobby2: వర్షంలో 12 గంటలు నిరవధికంగా షూటింగ్..

#ChiruBobby2: వర్షంలో 12 గంటలు నిరవధికంగా షూటింగ్..

మెగాస్టార్ చిరంజీవి మరోసారి సినిమాపై తన అంకితభావాన్ని చాటారు. బ్లాక్‌బస్టర్ దర్శకుడు బాబీ కొల్లి దర్శకత్వంలో తెరకెక్కుతున్న #చిరుబాబీ2 (#చిరు158) షూటింగ్ ప్రస్తుతం హైదరాబాద్‌లో శరవేగంగా సాగుతోంది. కేవీఎన్ ప్రొడక్షన్స్ బ్యానర్‌పై వెంకట్ కె. నారాయణ భారీ బడ్జెట్‌తో నిర్మిస్తున్న ఈ చిత్రం, వాల్తేరు వీరయ్య తర్వాత చిరంజీవి–బాబీ కొల్లి కాంబినేషన్‌లో వస్తుండటంతో ఇప్పటికే భారీ అంచనాలు నెలకొన్నాయి.

ప్రస్తుతం జరుగుతున్న షెడ్యూల్‌లో ఈ సినిమాకు హైలైట్‌గా నిలిచే భారీ రెయిన్ యాక్షన్ సీక్వెన్స్‌ను చిత్రీకరిస్తున్నారు. ప్రముఖ స్టంట్ మాస్టర్స్ రామ్–లక్ష్మణ్ ఆధ్వర్యంలో తెరకెక్కుతున్న ఈ ఫైట్‌లో వందలాది మంది ఫైటర్లు పాల్గొంటున్నారు. ఈ యాక్షన్ ఎపిసోడ్ చిరంజీవి కెరీర్‌లోనే అత్యంత భారీగా తెరకెక్కుతున్న ఫైట్ సన్నివేశాల్లో ఒకటిగా నిలవనుందని సమాచారం.

అయితే ఈ షెడ్యూల్‌లో అందరినీ ఆశ్చర్యపరిచింది చిరంజీవి చూపించిన కమిట్‌మెంట్. నిన్న ఉదయం 9 గంటల నుంచి రాత్రి 10 గంటల వరకు జరిగిన షూటింగ్‌లో కేవలం గంటసేపు మాత్రమే లంచ్ బ్రేక్ తీసుకుని, మిగిలిన 12 గంటల పాటు నిరంతరం కృత్రిమ వర్షంలో తడుస్తూనే యాక్షన్ సన్నివేశాల్లో పాల్గొన్నారు. ఎలాంటి అలసటకు తావివ్వకుండా మొదటి షాట్ నుంచి చివరి షాట్ వరకు అదే ఉత్సాహం, అదే ఎనర్జీతో నటించడం యూనిట్ మొత్తాన్ని ఆశ్చర్యానికి గురి చేసింది.

చిరంజీవి క్రమశిక్షణ, వృత్తిపరమైన నిబద్ధత, పనిపట్ల ఉన్న అంకితభావం చిత్రబృందంలోని ప్రతి ఒక్కరినీ ఆకట్టుకున్నాయి. భారతీయ సినీ పరిశ్రమలో అత్యంత కష్టపడి పనిచేసే స్టార్‌లలో ఆయన ఎందుకు ఒకరిగా నిలిచారో ఈ షెడ్యూల్ మరోసారి నిరూపించిందని యూనిట్ సభ్యులు చెబుతున్నారు.

భారీ స్థాయిలో తెరకెక్కుతున్న ఈ రెయిన్ ఫైట్ ప్రేక్షకులకు థియేటర్లలో విజువల్ ట్రీట్‌గా నిలవనుందని మేకర్స్ విశ్వాసం వ్యక్తం చేస్తున్నారు. షూటింగ్ శరవేగంగా కొనసాగుతుండగా, త్వరలోనే సినిమా టైటిల్ టీజర్‌ను విడుదల చేసేందుకు సన్నాహాలు చేస్తున్నారు.

ఈ ప్రతిష్టాత్మక చిత్రానికి ఎస్. థమన్ సంగీతం అందిస్తుండగా, విజయ్ కార్తిక్ కన్నన్ సినిమాటోగ్రఫీ బాధ్యతలు నిర్వహిస్తున్నారు. ప్రొడక్షన్ డిజైనర్‌గా అవినాశ్ కొల్లా, ఎడిటర్‌గా ఆంటోని ఎల్. రూబెన్ పనిచేస్తున్నారు. కోన వెంకట్, కె. చక్రవర్తి రెడ్డి స్క్రీన్‌ప్లే అందించగా, హరి మోహన కృష్ణ, వినీత్ పొట్లూరి అదనపు స్క్రీన్‌ప్లేను అందిస్తున్నారు. భాను–నందు ద్వయం సంభాషణలు రాస్తున్నారు.

భారీ యాక్షన్, బలమైన భావోద్వేగాలు, మాస్ ఎలిమెంట్స్‌తో రూపొందుతున్న ఈ కమర్షియల్ ఎంటర్‌టైనర్ ప్రస్తుతం తెలుగు సినీ పరిశ్రమలో అత్యంత ఆసక్తిగా ఎదురుచూస్తున్న చిత్రాల్లో ఒకటిగా నిలుస్తోంది.

Telugu Cinema 360

Writer and contributor at Telugu Cinema 360