బిగ్‌బాస్ 10 తెలుగు ఆసక్తికరంగా సాగుతోంది. అయితే బిగ్‌బాస్ చరిత్రలో ఇప్పటి వరకూ హౌస్‌మేట్స్ ఓటింగ్ ద్వారా ఎవరూ బయటకు పోయింది దాదాపుగా లేదు. 10వ సీజన్‌లో మాత్రం ఆర్‌జే చరణ్ మహాదేవ్, చైత్ర ఇద్దరూ వెళ్లిపోయారు. అది కూడా తొలివారమే. ఈ నేపథ్యంలోనే ఆ ఇద్దరిలో ఒకరిని ప్రేక్షకుల ఓటింగ్‌తో హౌస్‌లోకి తీసుకురావాలని బిగ్‌బాస్ టీం భావించింది. ఈ క్రమంలోనే చరణ్, చైత్ర ఇద్దరూ తమకు ఓటు చేయాలని సోషల్ మీడియాలో వీడియో సందేశాలు పెట్టారు. అయితే హౌస్‌లోకి వచ్చే ఛాన్స్ చరణ్‌కే ఉంది. కేవలం ప్రేక్షకుల ఓట్లను మాత్రమే పరిగణలోకి తీసుకుంటే చరణ్ ఎంట్రీ ఖాయమే. లేదంటే హౌస్‌మేట్స్ ఓట్ల ద్వారా వెళితే చైత్ర ఇంట్లోకి అడుగు పెట్టవచ్చు.
అయితే ప్రేక్షకుల ఓటింగ్ తీసుకుని ఆ తరువాత కంటెస్టెంట్ల ఓట్స్‌తోనే అంటే బయట వ్యతిరేకత వచ్చే అవకాశం ఉంది కాబట్టి ప్రేక్షకుల ఓట్లే ఫైనల్ అనుకోవాలి. ప్రస్తుతానికి హౌస్‌లో సెలబ్రిటీల కంటే కామనర్స్‌కే ఓటింగ్ ఎక్కువగా ఉంది. ఈ క్రమంలోనే ఓటింగ్‌లో టాప్‌లో రోహిత్ ఉన్నాడు. రోహిత్ ఫ్యాన్స్ అంతా చరణ్‌కు ఓటు చేస్తారు. అలాగే చరణ్‌కి కూడా ఫాలోయింగ్ అనూహ్యంగా పెరిగింది. ఇది కూడా అతని ప్లస్ కానుంది. ఇవాళ రాత్రికే ఓటింగ్ పోల్స్‌ను బిగ్‌బాస్ నిర్వాహకులు అందుబాటులోకి తీసుకురానున్నారు. కేవలం 12 గంటల పాటే పోలింగ్ లైన్స్ తెరిచి ఉంటాయని టాక్. హౌస్‌లో ప్రస్తుతం కెప్టెన్సీ టాస్క్ జరుగుతోంది. అది రేపటి వరకూ జరిగే అవకాశం ఉంది. చరణ్‌ని నేరుగా కెప్టెన్సీ కంటెండర్‌ని చేసి హౌస్‌లోకి పంపించనున్నారని తెలుస్తోంది. మొత్తానికి చరణ్ ఎంట్రీ ఇస్తే రోహిత్‌కు ప్లస్ ఉన్నాయి.. మైనస్‌లు ఉన్నాయి.
చరణ్ హౌస్‌లోకి అడుగు పెడితే ఏదో ఒకరకంగా ప్రతి ఒక్కరికీ హింట్స్ అయితే అందుతాయి. అలా హింట్స్ అందుకున్న కామనర్స్.. బయట సెలబ్రిటీలకు యాంటీగా ఉందని తెలిస్తే రెచ్చిపోయే అవకాశం ఉంది. అలా రెచ్చిపోయారో మొదటికే మోసం వస్తుంది. లేదు.. హింట్స్ తీసుకుని తమ ఆట తీరును మార్చుకుని జాగ్రత్తగా స్టెప్స్ వేస్తే ప్లస్ కానుంది. ముఖ్యంగా ప్రస్తుతం రోహిత్ టాప్‌లో ఉన్నాడు. గత వారం తరువాత పరిస్థితులు మారుతున్నాయి. ఈ సమయంలో రోహిత్ చాలా జాగ్రత్త వహించాల్సి ఉంది. ఇష్టానుసారంగా.. ఆలోచన లేకుండా అడుగులు వేస్తే టాప్ నుంచి కిందకు పడిపోయే అవకాశం ఉంది. ఇక ఏం జరుగుతుందో చూడాలి.
