సినిమాకు ఒక గ్రామర్ ఉంటుంది అంటారు కదా.. కానీ ఆ గ్రామర్‌ను బ్రేక్ చేసి అసలు హద్దులు ఎందుకు ఉండాలి అని ప్రశ్నించిన అరుదైన డైరెక్టర్ సింగీతం శ్రీనివాసరావు. 94 ఏళ్ల వయసులో రీసెంట్‌గా తుదిశ్వాస విడిచిన ఈ లెజెండ్ జర్నీ చూస్తే ప్రతి ఒక్కరికీ గూస్‌బంప్స్ రావాల్సిందే. 1931 సెప్టెంబర్ 21న నెల్లూరు జిల్లా ఉదయగిరిలో పుట్టిన ఆయనకు చిన్నప్పటి నుంచే ఆర్ట్స్ అంటే పిచ్చి. మద్రాసులో ఫిజిక్స్ చదువుతున్న టైమ్‌లో థియేటర్ నాటకాల మీద మనసు పడి, ఆ తర్వాత సినిమా మీద ఉన్న ప్యాషన్‌తో ఇండస్ట్రీలోకి ఎంట్రీ ఇచ్చారు. అయితే రాగానే ఆయనకు డైరెక్టర్ ఛాన్స్ రాలేదు. పాతాళభైరవి, మాయాబజార్ లాంటి ఎపిక్ సినిమాలు తీసిన సెన్సేషనల్ డైరెక్టర్ కె.వి.రెడ్డి దగ్గర అసిస్టెంట్‌గా జాయిన్ అయ్యారు. ఆ స్కూల్‌లో సినిమా మేకింగ్, స్టోరీ టెల్లింగ్, డిసిప్లిన్ లాంటి ఎన్నో విషయాలు నేర్చుకున్నారు. ఆ తర్వాత 1972లో వచ్చిన నీతి నిజాయితీ మూవీతో డైరెక్టర్‌గా తన ఫస్ట్ స్టెప్ వేశారు. ఒక చిన్న అసిస్టెంట్ డైరెక్టర్ నుంచి ఆరు దశాబ్దాల పాటు ఏకంగా 60కి పైగా సినిమాలు తీసి ఆయనొక ఫిల్మ్ లాబరేటరీలా మారిపోయారు. తెలుగు, తమిళ, కన్నడ, హిందీ.. భాష ఏదైనా సరే ప్రయోగం చేయడమే ఆయన అల్టిమేట్ గోల్.
గ్రాఫిక్స్ అంటే ఏంటో కూడా పెద్దగా తెలియని రోజుల్లోనే టైమ్ ట్రావెల్ కాన్సెప్ట్‌తో తెలుగు ఆడియన్స్‌ను మెస్మరైజ్ చేసిన క్రెడిట్ కేవలం సింగీతంకే దక్కుతుంది. 1991లో వచ్చిన ఆదిత్య 369 అప్పట్లో ఒక విజువల్ వండర్. ఒకే సినిమాలో హిస్టరీ, ఫ్యూచర్, సైన్స్ ఫిక్షన్, కామెడీ, రొమాన్స్ అన్నీ మిక్స్ చేసి అప్పటి జనాలకు హాలీవుడ్ రేంజ్ థ్రిల్ ఇచ్చారు. బాలకృష్ణను టైమ్ మిషన్‌లో కూర్చోబెట్టి కృష్ణదేవరాయల కాలంలోకి తీసుకెళ్లిన ఆ విజన్ ఇప్పటికీ చాలా మంది యంగ్ డైరెక్టర్లకు ఓ రిఫరెన్స్ గైడ్. ఇక కమల్ హాసన్‌తో తీసిన అపూర్వ సోదరులు అయితే కెమెరా ట్రిక్స్‌కి ఒక మాస్టర్ పీస్. ఈరోజుల్లో కోట్లు ఖర్చు పెట్టి విజువల్ ఎఫెక్ట్స్ వాడుతున్నారు కానీ, అప్పట్లోనే ఎలాంటి మోడ్రన్ టెక్నాలజీ లేకుండా కమల్ హాసన్‌‌ను ఒక మరుగుజ్జుగా చూపించి అందరి మైండ్ బ్లాక్ చేశారు. టెక్నాలజీ కంటే డైరెక్టర్ ఇమాజినేషన్ చాలా పవర్‌ఫుల్ అని తన మార్క్ మేకింగ్‌తో నిరూపించిన జీనియస్ సింగీతం శ్రీనివాసరావు.
ఆయన టచ్ చేయని జానర్ లేదు, సెట్ చేయని ట్రెండ్ లేదు. యాక్సిడెంట్‌లో కాలు కోల్పోయి మళ్లీ నాట్యం చేసిన సుధా చంద్రన్ రియల్ లైఫ్ స్టోరీని మయూరి పేరుతో బయోపిక్‌గా తీసి ఏకంగా 14 నంది అవార్డులు కొట్టేశారు. ఇది కేవలం సెంటిమెంట్ మూవీ కాదు, లైఫ్‌లో ఎంత కిందపడ్డా మళ్లీ ఎలా పైకి లేవాలి అని చెప్పే ఒక బెస్ట్ మోటివేషనల్ జర్నీ. ఇక అక్కడి నుంచి సడెన్‌గా ట్రాక్ మార్చి బాలకృష్ణతో భైరవద్వీపం అనే పక్కా ఫోక్ ఫాంటసీ మూవీ చేశారు. మాంత్రికుడు, మాయల ప్రపంచం, విజువల్స్ అన్నీ చూసి ఆడియన్స్ వేరే లోకంలోకి వెళ్లిపోయారు. ఇక సింగీతం కెరీర్‌లో ఎప్పటికీ గుర్తుండిపోయే మరో గ్రేటెస్ట్ అటెంప్ట్ పుష్పక విమానం. ఈ సినిమాలో హీరో మాట్లాడడు, హీరోయిన్ మాట్లాడదు, విలన్ కూడా మాట్లాడడు.. కానీ థియేటర్‌లో కూర్చున్న ప్రేక్షకుడికి స్టోరీ మొత్తం క్రిస్టల్ క్లియర్‌గా అర్థమవుతుంది. ఎక్స్‌ప్రెషన్స్, బ్యాక్‌గ్రౌండ్ స్కోర్‌తోనే అద్భుతమైన ఎమోషన్ పండించొచ్చు అని ఆయన చేసిన ఈ సైలెంట్ సినిమా ప్రయోగం ఇండియన్ ఫిల్మ్ హిస్టరీలోనే ఒక గోల్డెన్ చాప్టర్.
సింగీతం అంటే ఎప్పుడూ సీరియస్ ఎక్స్‌పెరిమెంట్స్ మాత్రమే చేస్తారని అనుకుంటే పొరపాటే. ఆడియన్స్‌ను కడుపుబ్బా నవ్వించడంలో ఆయన స్టైలే వేరు. కమల్ హాసన్‌తో తీసిన మైఖేల్ మదన కామరాజు సినిమా ఒక కన్ఫ్యూజన్ కామెడీకి బెస్ట్ ఎగ్జాంపుల్. నాలుగు డిఫరెంట్ క్యారెక్టర్స్ ఒకేచోట కలిసినప్పుడు వచ్చే హ్యూమర్‌ను ఆయన డిజైన్ చేసిన తీరు ఇప్పటికీ చాలా మంది ఫిల్మ్ మేకర్స్‌కు ఒక కేస్ స్టడీ. అలాగే రాజేంద్ర ప్రసాద్‌తో చేసిన బృందావనం ఎలాంటి వల్గారిటీ లేని ఒక ప్యూర్ ఫ్యామిలీ ఎంటర్‌టైనర్. ఇక మేడమ్ సినిమాలో అయితే రాజేంద్ర ప్రసాద్‌ను ఏకంగా లేడీ గెటప్‌లో చూపించి ఆయనే హీరోయిన్ అన్నట్లు స్టోరీ నడిపించారు. ఆ సినిమాకు బెస్ట్ హీరోయిన్ అవార్డు వచ్చిందంటేనే ఆయన క్రియేటివిటీ ఏ రేంజ్‌లో ఉందో అర్థం చేసుకోవచ్చు. చిన్న పిల్లల కోసం తెలుగు స్క్రీన్ మీద తొలిసారి యానిమేషన్ క్యారెక్టర్‌ను పరిచయం చేస్తూ ఘటోత్కచుడు లాంటి మ్యాజిక్ క్రియేట్ చేశారు. స్టోరీ నెరేషన్‌లో ఎంటర్‌టైన్‌మెంట్‌ను ఏమాత్రం మిస్ కాకుండా చూసుకోవడం ఆయన స్క్రీన్‌ప్లే స్పెషాలిటీ.
సాధారణంగా అరవై ఏళ్లు రాగానే రిటైర్మెంట్ తీసుకుంటారు, కానీ సింగీతం మాత్రం తన 94 ఏళ్ల వయసులో కూడా కెమెరా ముందు నిలబడి యాక్షన్, కట్ చెప్పారు. 2026లో ఆయన రూపొందించిన సింగ్ గీతం ఆయన థాట్ ప్రాసెస్‌కు, ఎనర్జీకి ఒక పర్ఫెక్ట్ ఉదాహరణ. దాదాపు నలభై ఏళ్ల క్రితం ఆయనకు వచ్చిన ఐడియాను ఇప్పుడు ఫిల్మ్‌గా మార్చారు. ఈ ప్రయోగంలో డైలాగ్స్ ఉండవు, ఏది చెప్పాలన్నా మొత్తం పాటల ద్వారానే కథ నడుస్తుంది. కమర్షియల్ హిట్, ఫ్లాప్ లాంటి ఈక్వేషన్స్ ఆయన ఎప్పుడూ పట్టించుకోలేదు. ప్రతీ సినిమాకు కొత్తగా ట్రై చేయాలి, రొటీన్‌కు భిన్నంగా వెళ్లాలి అనే ప్యాషన్ ఆయనను ఒక లెజెండ్‌ను చేసింది. ఆయన భౌతికంగా మన మధ్య లేకపోవచ్చు, కానీ సింగీతం శ్రీనివాసరావు అనే పేరుకు ఎప్పటికీ ఎండ్ కార్డ్ పడదు. తెలుగు సినిమా ఉన్నంత కాలం ఆయన సృష్టించిన వెండితెర అద్భుతాలు రాబోయే జనరేషన్స్‌కు ఒక గొప్ప రిఫరెన్స్‌లా, ఎప్పటికీ చెరగని ఇన్‌స్పిరేషన్‌లా ఉండిపోతాయి.
