మెగాస్టార్ చిరంజీవి నటిస్తున్న భారీ సోషియో ఫాంటసీ మూవీ ‘విశ్వంభర’ అసలు థియేటర్లలోకి వస్తుందా రాదా అనే అనుమానాలు ఇప్పుడు ఇండస్ట్రీలో హాట్ టాపిక్‌గా మారాయి. వందల కోట్ల బడ్జెట్‌తో తెరకెక్కుతున్న ఈ సినిమాను మొదట్లో దసరా కానుకగా రిలీజ్ చేస్తారని చాలా గట్టి ప్రచారం జరిగింది. కానీ ఇప్పుడున్న పరిస్థితులు చూస్తుంటే ఈ సినిమా ఎప్పటికీ బయటకి వచ్చేలా కనిపించడం లేదని అభిమానులు ఫీల్ అవుతున్నారు. చిరంజీవి లాంటి ఒక మెగాస్టార్ రేంజ్ హీరో సినిమాకు ఇలాంటి ఇబ్బందులు రావడం అందరినీ ఆశ్చర్యపరుస్తోంది. ఒక పక్కా ప్లానింగ్ లేకుండా ఇలాంటి భారీ సినిమాను మొదలుపెట్టారా లేక మధ్యలో ఏమైనా ఊహించని సమస్యలు వచ్చాయా అనేది ఎవరికీ అర్థం కావడం లేదు. ఏదేమైనా ఇన్ని నెలలుగా సినిమాను హోల్డ్ లో పెట్టడం మెగా అభిమానులకు ఏమాత్రం మింగుడుపడటం లేదు.
ఈ సినిమా ఇన్నిసార్లు వాయిదా పడటానికి మేకర్స్ చెబుతున్న ప్రధాన కారణం పోస్ట్ ప్రొడక్షన్, విజువల్ ఎఫెక్ట్స్ పనులు పూర్తి కాకపోవడమే. కానీ ఇండస్ట్రీ వర్గాల సమాచారం ప్రకారం కచ్చితంగా ఇది వీఎఫ్ఎక్స్ జాప్యం వల్ల జరుగుతున్న లేట్ అయితే కాదని స్పష్టంగా తెలుస్తోంది. కేవలం గ్రాఫిక్స్ వర్క్ డిలే అవుతోందని చెప్పి మేకర్స్ తెలివిగా తప్పించుకుంటున్నారు తప్ప, దీని వెనుక వేరే ఏదో పెద్ద కారణం ఉందనే గుసగుసలు గట్టిగానే వినిపిస్తున్నాయి. సినిమా ఔట్ పుట్ విషయంలో ఏమైనా మార్పులు జరగడమో లేదా కొన్ని కీలకమైన సీన్స్ రీషూట్స్ చేయడమో జరిగి ఉంటుందని టాక్ నడుస్తుంది. నిజంగా విజువల్ ఎఫెక్ట్స్ సమస్యే అయితే ఈ పాటికి పగలు రాత్రి కష్టపడి ఆ పనులు పూర్తి చేసి సినిమాను థియేటర్లలోకి తీసుకొచ్చేవారు. కానీ అలా జరగట్లేదంటే తెర వెనుక ఏదో పెద్ద ఇష్యూనే నడుస్తుందని స్పష్టం అవుతోంది.
రీసెంట్‌గా విశ్వంభర సినిమాకు ఒక అద్భుతమైన రిలీజ్ డేట్ దొరికింది, కానీ దాన్ని కూడా వాళ్లు వాడుకోలేదు. అక్టోబర్ 9న గ్రాండ్ గా రిలీజ్ కావాల్సిన ‘ఆదర్శ కుటుంబం’ సినిమా అనుకోకుండా కొన్ని కారణాల వల్ల వాయిదా పడింది. దాంతో దసరా సీజన్లో ఒక బెస్ట్ సోలో రిలీజ్ డేట్ ఖాళీగా దొరికినట్లు అయింది. సినిమా గనక నిజంగా ఒక కొలిక్కి వచ్చి ఉంటే, ఇంత మంచి డేట్ ను విశ్వంభర టీమ్ కచ్చితంగా క్యాష్ చేసుకునేది. కానీ ఆదర్శ కుటుంబం రేసు నుంచి తప్పుకున్నా కూడా విశ్వంభర మేకర్స్ కనీసం నోరు మెదపలేదు. కళ్ల ముందు ఇంత మంచి దసరా హాలిడేస్ సీజన్ కనిపిస్తున్నా కూడా వాళ్లు సైలెంట్ గా ఉన్నారంటే, అసలు ఫస్ట్ కాపీ ఎప్పటికి రెడీ అవుతుందో నిర్మాతలకు కూడా ఒక క్లారిటీ లేదని అర్థం అవుతోంది.
దసరా సీజన్ చేజారిపోయింది కదా, కనీసం సంక్రాంతి బరిలో అయినా విశ్వంభర దిగుతుందా అంటే అక్కడా అసలు ఛాన్స్ కనిపించడం లేదు. ఎందుకంటే జనవరిలో రాబోయే సంక్రాంతి పండుగకు చిరంజీవి నటిస్తున్న మరో క్రేజీ ప్రాజెక్ట్ ‘కాకా’ రిలీజ్ ఫిక్స్ అయిపోయింది. తన సినిమాతో తానే బాక్సాఫీస్ దగ్గర పోటీ పడి కలెక్షన్స్ దెబ్బతీసుకునే రిస్క్ మెగాస్టార్ ఎట్టి పరిస్థితుల్లోనూ చేయరు. కాబట్టి సంక్రాంతి రేసు నుంచి కూడా విశ్వంభర ఆటోమేటిక్ గా తప్పుకున్నట్లే అని ట్రేడ్ వర్గాలు చెబుతున్నాయి. ఇలా వరసగా దసరా, సంక్రాంతి లాంటి రెండు పెద్ద అండ్ బెస్ట్ బాక్సాఫీస్ సీజన్స్ ను ఈ సినిమా చేజార్చుకోవడం ఇండస్ట్రీలో పెద్ద హాట్ టాపిక్ అయింది. సరైన సీజన్లో రాకపోతే బిజినెస్ మీద కూడా గట్టి ప్రభావం చూపే అవకాశం ఉందని డిస్ట్రిబ్యూటర్లు టెన్షన్ పడుతున్నారు.
ఇక ఇప్పుడున్న బ్యాలెన్స్ లెక్కల ప్రకారం చూసుకుంటే విశ్వంభర సినిమా మళ్లీ 2027 సమ్మర్ సీజన్ కు వాయిదా పడినట్లే అని అందరూ ఒక అంచనాకు వచ్చేశారు. కానీ ఇక్కడ అసలు ట్విస్ట్ ఏంటంటే, సమ్మర్ నాటికైనా ఈ సినిమా పక్కాగా థియేటర్లలోకి వస్తుందా లేదా అనే గ్యారెంటీ ఎవరూ ఇవ్వలేకపోతున్నారు. మరోవైపు ఈ సినిమా దర్శకుడు వశిష్ట కూడా తన నెక్స్ట్ ప్రాజెక్ట్స్ పై ఫోకస్ చేస్తున్నాడు. మోక్షజ్ఞ సినిమాకు ఓకే చెప్పాడీయన. ఇన్ని కన్ఫ్యూజన్స్ మధ్య అసలు విశ్వంభర ప్రాజెక్ట్ భవిష్యత్తు ఏంటో ఎవరికీ అంతుచిక్కడం లేదు. మెగాస్టార్ కెరీర్ లోనే ఒక బిగ్గెస్ట్ మైల్ స్టోన్ లా నిలిచిపోతుందనుకున్న ఈ సినిమా, ఇలా రిలీజ్ డేట్ దొరక్క ఇబ్బంది పడటం నిజంగా బాధాకరం. మేకర్స్ వెంటనే స్పందించి ప్రెస్ మీట్ పెట్టి ఒక సాలిడ్ క్లారిటీ ఇస్తే తప్ప ఫ్యాన్స్ టెన్షన్ తీరేలా లేదు.
