సినిమా ఇండస్ట్రీలో ఇప్పుడు ఎక్కడ చూసినా ఫేక్ కలెక్షన్స్ గోల. ఒకప్పుడు సినిమా 100 రోజులు ఆడితే హిట్ అని మురిసిపోయేవారు, కానీ ఇప్పుడు 100 కోట్లు వస్తే హిట్ అంటున్నారు. అయితే నిజంగా వస్తున్న వసూళ్లకు, పోస్టర్ల మీద వేస్తున్న నంబర్లకు అస్సలు సంబంధం ఉండటం లేదు. ఒక పెద్ద స్టార్ హీరో సినిమా రిలీజ్ అయినప్పుడు, దాని మీద ఉన్న క్రేజ్ వల్ల వచ్చిన కలెక్షన్స్ కంటే ఒక 10 శాతం ఎక్కువ వేసి చెప్పడం అనేది మన దగ్గర కామన్ అయిపోయింది. ఇండస్ట్రీలో ఇది ఎప్పటి నుంచో ఉన్న ఒక ఆనవాయితీ అని అందరూ సర్దుకుపోతున్నారు. కానీ వచ్చిన వసూళ్ల కంటే ఏకంగా 40 శాతం ఎక్కువ వేసి చెప్తే, అంతకంటే దారుణం ఇంకొకటి ఉండదు కదా? జనాలు కూడా ఈ నంబర్స్ చూసి నవ్వుకుంటున్నారు. బాక్స్ ఆఫీస్ దగ్గర అసలు ఈ కలెక్షన్స్ నిజమేనా, లేక ఇదంతా జనాన్ని థియేటర్లకు రప్పించే పబ్లిసిటీ స్టంటా అనే అనుమానాలు ప్రేక్షకుల్లో కూడా గట్టిగా నాటుకుపోయాయి. ఇప్పుడు లేటెస్ట్గా రిలీజ్ అయిన ప్యారడైజ్ సినిమా విషయంలో కూడా అచ్చం ఇలాగే ఫేక్ నంబర్స్ గోల జరుగుతుందనే టాక్ సోషల్ మీడియాలో విపరీతంగా నడుస్తోంది.
ఈ ప్యారడైజ్ సినిమాకు మొదటి రోజు వచ్చిన టాక్కు, ఇప్పుడు వీకెండ్ పూర్తయ్యే సరికి మేకర్స్ అఫీషియల్ గా చెప్తున్న వసూళ్లకు ఎక్కడా పొంతన కుదరడం లేదు. సినిమా రిలీజ్ అయిన ఫస్ట్ డే ఫస్ట్ షోకే దారుణమైన డిజాస్టర్ టాక్ వచ్చింది. ఆడియన్స్ అంతా స్టోరీ బాలేదు, డైరెక్షన్ బాలేదు అంటూ పెదవి విరిచారు. కానీ ఆశ్చర్యకరంగా నాలుగు రోజులు తిరిగే సరికి ఏకంగా 155 కోట్లు గ్రాస్ కలెక్షన్స్ వచ్చాయి అంటూ మేకర్స్ ఒక పెద్ద పోస్టర్ రిలీజ్ చేశారు. డిజాస్టర్ టాక్ తో ఓపెన్ అయిన ఒక సినిమాకి కేవలం నాలుగు రోజుల్లోనే 155 కోట్లు రావడం అనేది నిజంగా ఎవరికీ మింగుడు పడని విషయం. మరీ అంత కలెక్షన్ వచ్చిందా అనే అనుమానాలు ఇప్పుడు ప్రతి ఒక్కరిలోనూ ఉన్నాయి. జనరల్గా సినిమాకు బ్యాడ్ టాక్ వస్తే రెండవ రోజు నుంచే థియేటర్ల దగ్గర జనాలు పల్చబడిపోతారు. కానీ మేకర్స్ మాత్రం మా సినిమాకు బాక్స్ ఆఫీస్ దగ్గర కలెక్షన్స్ వర్షం కురుస్తోంది, హౌస్ ఫుల్ బోర్డ్స్ పడుతున్నాయి అంటూ ప్రమోట్ చేస్తున్నారు. ఈ నంబర్స్ చూసి కామన్ ఆడియన్స్ మాత్రమే కాదు, ట్రేడ్ పండితులు కూడా తలలు పట్టుకుంటున్నారు.
ఇక ఈ సినిమా కలెక్షన్స్ ని ఏరియాల వారీగా డీప్ గా అనలైజ్ చేసి చూస్తే అసలు నిజాలు బయటపడతాయి. నైజాం ఏరియాలో అయితే సినిమా కచ్చితంగా బాగానే ఆడుతుంది, అక్కడ మంచి కలెక్షన్స్ వస్తున్నాయి అనడంలో ఎలాంటి డౌట్ లేదు. కానీ ఆంధ్ర ప్రదేశ్, సీడెడ్ ప్రాంతాల్లో మాత్రం పరిస్థితి పూర్తి భిన్నంగా ఉంది. అక్కడ కలెక్షన్లు దారుణంగా పడిపోయాయి. డిస్ట్రిబ్యూటర్లకు, బయ్యర్లకు భారీ లాస్ అయితే తప్పదు అనే రేంజ్ లో అక్కడ వసూళ్లు డ్రాప్ అయ్యాయి. కానీ దర్శక నిర్మాతలు మాత్రం ఇప్పటికే ఈ సినిమాకు 80 కోట్లు షేర్ వచ్చిందంటూ ధీమాగా చెప్తున్నారు. ట్రేడ్ వర్గాలు కూడా ఈ భారీ కలెక్షన్లు చూసి షాక్ అవుతున్నాయి. నిజంగా అంత వసూళ్లు వచ్చాయా లేదా అని లెక్కలు వేసుకుంటే, సినిమాకు కనీసం 120 కోట్లు గ్రాస్ వచ్చి ఉండొచ్చు అని, కానీ దానికి మేకర్స్ మరో 35 కోట్లు అదనంగా కలిపి ఫేక్ నంబర్స్ వేశారని ట్రేడ్ వర్గాల్లో గట్టిగా వినిపిస్తోంది. దీనికి తోడు హిందీ, తమిళ భాషల్లో కూడా ప్యారడైజ్ సినిమాకు కలెక్షన్స్ అద్భుతంగా వస్తున్నాయంటూ మేకర్స్ చెప్తున్న మాటలు మరింత ఆశ్చర్యాన్ని కలిగిస్తున్నాయి.
ఈ ఫేక్ కలెక్షన్స్ వ్యవహారం ఈనాటిది కాదు, గతంలో కూడా ఇలాంటి పెద్ద ఇష్యూలు చాలానే జరిగాయి. ముఖ్యంగా దేవర సినిమా విషయంలో ఫేక్ కలెక్షన్స్ అనేది టాలీవుడ్ లో చాలా పెద్ద ఇష్యూ అయింది. ఆ సినిమాకు కనీసం 300 కోట్లు కూడా రాకపోయినా ఏకంగా 500 కోట్ల కలెక్షన్స్ వచ్చాయంటూ పోస్టర్ దించారు అనే విమర్శలు బలంగా ఉన్నాయి. దీని గురించి ఇప్పటికీ సోషల్ మీడియాలో తీవ్రమైన చర్చ జరుగుతూనే ఉంటుంది. ఆ హీరో ఫ్యాన్స్, యాంటీ ఫ్యాన్స్ మధ్య దేవర కలెక్షన్స్ అనేది ఎప్పటికీ తెగని ఒక నెవర్ ఎండింగ్ టాపిక్ గా మారిపోయింది. కేవలం ఆ ఒక్క సినిమానే కాదు, ఈ మధ్య కాలంలో చాలా సినిమాలు ఇదే దారిలో నడుస్తున్నాయి. ఒక సినిమా ఫ్లాప్ అయినా, యావరేజ్ అయినా సరే, అది సూపర్ హిట్ అని ప్రొజెక్ట్ చేయడానికి కలెక్షన్స్ నంబర్స్ ని ఆయుధంగా వాడుకుంటున్నారు. వాస్తవానికి ఈ పోస్టర్స్ వల్ల ఫ్యాన్స్ కు టెంపరరీగా ఒక కిక్ వస్తుందేమో కానీ, లాంగ్ రన్ లో చూసుకుంటే మాత్రం ఇదొక తప్పుడు ట్రెండ్ గా మారుతోంది.
అసలు మేకర్స్ ఇలా ఎందుకు చేస్తారు అని అనలైజ్ చేస్తే, దీని వెనుక ఒక పెద్ద మైండ్ గేమ్, సైకాలజీ ఉంది. ఒక సినిమాకు వందల కోట్లు వస్తున్నాయి అంటే, కచ్చితంగా అందులో ఏదో ఒక విషయం ఉండే ఉంటుంది, మనం కూడా వెళ్లి చూద్దాం అని కామన్ ఆడియన్స్ అనుకుంటారనేది మేకర్స్ ఆలోచన. దీన్నే ఫేక్ హైప్ క్రియేట్ చేయడం అంటారు. కానీ వాళ్ళు మర్చిపోతున్న విషయం ఏంటంటే, ఇప్పుడున్న సోషల్ మీడియా డిజిటల్ యుగంలో ప్రతి ప్రేక్షకుడికి ట్రేడ్ లెక్కలు తెలిసిపోతున్నాయి. మొబైల్ లో టికెట్ బుకింగ్ యాప్స్ ఓపెన్ చేస్తే ఏ థియేటర్ లో ఎన్ని టికెట్స్ అమ్ముడయ్యాయి అనేది సెకన్లలో తెలిసిపోతుంది. ఇలాంటి పరిస్థితుల్లో కలెక్షన్స్ ని మానిప్యులేట్ చేయడం వల్ల మేకర్స్ పరువు పోవడం తప్ప వేరే ఉపయోగం లేదు. ఒక సినిమా బాగుంటే జనాలు ఆటోమేటిక్ గా బ్రహ్మరథం పడతారు, దానికి ఫేక్ పోస్టర్స్ తో పబ్లిసిటీ చేయాల్సిన అవసరమే లేదు. ఇండస్ట్రీలో ఉన్న పెద్దలు ఈ ఫేక్ కలెక్షన్స్ ట్రెండ్ కి ఒక ఫుల్ స్టాప్ పెడితేనే సినిమా స్థాయి మరింత పెరిగే అవకాశం ఉంది, లేదంటే ఇలాంటి ఫేక్ నంబర్స్ చూసి నవ్వుకోవడం తప్ప మనం చేయగలిగింది ఏమీ లేదు.
