విజయ్ దేవరకొండ ముందున్న ఎన్నో సవాళ్లు.. రణబాలితో సమధానం చెప్తాడా మరి..?

రౌడీ బాయ్ విజయ్ దేవరకొండ, రాహుల్ సంకృత్యాన్ కాంబినేషన్‌లో వస్తున్న క్రేజీ ప్రాజెక్ట్ రణబాలి ఇప్పుడు ఇండస్ట్రీలో హాట్ టాపిక్‌గా మారింది. గతంలో వీరిద్దరి కలయికలో వచ్చిన టాక్సీవాలా బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో మనందరికీ తెలిసిందే. ఆ సూపర్ హిట్ తర్వాత వీళ్లిద్దరూ కలిసి చేస్తున్న రెండో సినిమా కావడంతో రణబాలి ప్రాజెక్ట్ మీద ప్రేక్షకులలో, అభిమానులలో మొదట్నుంచే అంచనాలు పీక్స్‌లో ఉన్నాయి. బ్రిటీష్ కాలం నాటి పీరియాడిక్ డ్రామాగా తెరకెక్కుతున్న ఈ సినిమాను టాలీవుడ్ అగ్ర నిర్మాణ సంస్థ మైత్రీ మూవీ మేకర్స్ అత్యంత ప్రతిష్టాత్మకంగా భారీ బడ్జెట్ తో నిర్మిస్తోంది. విజయ్ దేవరకొండ సరసన లక్కీ బ్యూటీ, నేషనల్ క్రష్ రష్మిక మందన్న హీరోయిన్‌గా నటిస్తుండటంతో ఈ క్రేజీ ప్రాజెక్టుకు మరింత గ్లామర్, స్టార్ డమ్ తోడైంది. గీత గోవిందం, డియర్ కామ్రేడ్ తర్వాత వీరిద్దరూ కలిసి నటిస్తున్న సినిమా కావడంతో ఫ్యాన్స్ చాలా ఎగ్జైటింగ్ గా ఎదురుచూస్తున్నారు. ప్రమోషనల్ కంటెంట్‌తో ఇప్పటికే ఓ రేంజ్ బజ్ క్రియేట్ చేసిన ఈ పాన్ ఇండియా మూవీ, దసరా కానుకగా అక్టోబర్ 16, 2026న ప్రపంచవ్యాప్తంగా భారీ ఎత్తున థియేటర్లలోకి దూసుకురాబోతోంది. ఈ సినిమాతో విజయ్ దేవరకొండ తన స్టామినా ఏంటో మరోసారి చూపించడానికి సిద్ధం అవుతున్నారు.

అయితే ఒక పక్క సినిమా మీద ఎంత పాజిటివ్ బజ్ ఉందో, మరో పక్క రిలీజ్‌కు ముందే ఈ సినిమాను టార్గెట్ చేస్తూ సోషల్ మీడియాలో భారీ స్థాయిలో నెగిటివ్ క్యాంపైనింగ్ కూడా నడుస్తోంది. నిజానికి విజయ్ దేవరకొండ మీద కొంతకాలంగా ఒక వర్గం పనిగట్టుకుని మరీ ఆన్‌లైన్‌లో నెగిటివిటీని స్ప్రెడ్ చేస్తున్న విషయం అందరికీ తెలిసిందే. ఆయన సినిమా ఏదైనా రిలీజ్ కు రెడీ అవుతుంటే చాలు, కావాలనే ఆ సినిమాపై బురద జల్లడం ఒక ట్రెండ్ లా మారిపోయింది. రణబాలి సినిమా విషయంలో కూడా ఈ ట్రోలింగ్ మరింత ఎక్కువైంది. ఈ విషయాన్ని స్వయంగా విజయ్ దేవరకొండ మొన్న జరిగిన రణబాలి ట్రైలర్ లాంచ్ ఈవెంట్‌లో ఓపెన్‌గానే ప్రస్తావించారు. తనను, తన సినిమాలను తొక్కేయడానికి కొందరు కావాలనే డబ్బులు ఖర్చు పెట్టి ఈ విషప్రచారం చేస్తున్నారని ఆయన బహిరంగంగా ఆవేదన వ్యక్తం చేశారు. ఇప్పుడున్న పరిస్థితుల్లో ఈ నెగిటివిటీ మొత్తాన్ని తుడిచిపెట్టేసి రణబాలి ఒక భారీ బ్లాక్‌బస్టర్ హిట్ కొట్టాల్సిన అవసరం ఎంతైనా ఉంది. తన మీద జరుగుతున్న ఈ సైబర్ దాడులకు, కుట్రలకు విజయ్ బాక్సాఫీస్ కలెక్షన్లతోనే సరైన సమాధానం చెప్పాలని ఆయన ఫ్యాన్స్, మూవీ లవర్స్ బలంగా కోరుకుంటున్నారు. కంటెంట్ తో గట్టిగా కొడితే ఈ ట్రోల్స్ అన్నీ వాటంతట అవే సైలెంట్ అయిపోతాయి అనడంలో ఎలాంటి సందేహం లేదు.

ఇక ఈ సినిమా బడ్జెట్, మేకింగ్ విషయానికి వస్తే మైత్రీ మూవీ మేకర్స్ ఎక్కడా ఏమాత్రం కాంప్రమైజ్ కాకుండా వందల కోట్లు ఖర్చు పెట్టి ఈ పీరియాడిక్ డ్రామాను నిర్మించారు. దర్శకుడు రాహుల్ సంకృత్యాన్ బ్రిటీష్ కాలం నాటి వాతావరణాన్ని కళ్లకు కట్టేలా చూపించడానికి భారీ సెట్స్ వేయించారు. అలాగే హై స్టాండర్డ్స్ ఉన్న వీఎఫ్ఎక్స్, గ్రాఫిక్స్ వర్క్ కోసం చాలా డబ్బు ఖర్చు చేయించారు. దీనికి తోడుగా హాలీవుడ్ సూపర్ హిట్ మూవీ ది మమ్మీ సిరీస్ తో ప్రపంచవ్యాప్తంగా గుర్తింపు తెచ్చుకున్న హాలీవుడ్ యాక్టర్ ఆర్నాల్డ్ వోస్లూ ఈ సినిమాలో ఒక కీలకమైన విలన్ పాత్రలో నటించడం విశేషం. ఇలాంటి ఇంటర్నేషనల్ స్టార్ కాస్టింగ్ వల్ల ప్రొడక్షన్ కాస్ట్ అమాంతం పెరిగిపోయింది. హీరో విజయ్ దేవరకొండ, హీరోయిన్ రష్మిక మందన్న, అలాగే హాలీవుడ్ యాక్టర్ ఆర్నాల్డ్ వోస్లూ తీసుకున్న భారీ పారితోషికాలు, ఇతర సాంకేతిక నిపుణుల ఖర్చులు అన్నీ కలిపి సినిమా బడ్జెట్‌లో సగానికి పైగా లాగేసినట్లు ఇండస్ట్రీ ట్రేడ్ వర్గాల్లో టాక్ నడుస్తోంది. ఏ రకంగా చూసుకున్నా రణబాలి సాంకేతికంగా, నిర్మాణపరంగా టాలీవుడ్ లో ఒక అద్భుతమైన విజువల్ వండర్‌గా తెరకెక్కిందనేది మాత్రం సుస్పష్టం.

మార్కెట్ లెక్కల ప్రకారం అనలైజ్ చేసి చూసుకుంటే యూత్‌లో విజయ్ దేవరకొండకు ఉన్న ఫాలోయింగ్, ఆయనకున్న ఇమేజ్, కల్ట్ స్టార్ పవర్ గురించి ప్రత్యేకంగా చెప్పాల్సిన పనే లేదు. కానీ రీసెంట్ టైమ్‌లో ఆయన నటించిన కొన్ని సినిమాలు ఆయన రేంజ్‌కు తగ్గ బాక్సాఫీస్ హిట్స్ ఇవ్వలేకపోయాయి. కమర్షియల్‌గా థియేటర్లలో ఆశించిన ఫలితాలు రాకపోయినా కూడా నిర్మాతలు ఆయన మీద ధైర్యంగా వందల కోట్లు పెట్టుబడి పెట్టడానికి ప్రధాన కారణం ఓటీటీ మార్కెట్. విజయ్ సినిమాలకు డిజిటల్ రైట్స్, హిందీ డబ్బింగ్, శాటిలైట్ రైట్స్ రూపంలో ఎప్పుడూ కళ్లు చెదిరే రేట్లు పలుకుతుంటాయి. కానీ రణబాలి లాంటి చాలా భారీ బడ్జెట్ సినిమాకు కేవలం ఓటీటీ మీద వచ్చే డిజిటల్ రెవెన్యూ డబ్బులు మాత్రమే సరిపోవు. ఖచ్చితంగా థియేట్రికల్ రన్‌ ద్వారా భారీ ఎత్తున కలెక్షన్లు జనరేట్ చేయాల్సిందే. సినిమా మీద ప్రమోషన్స్ ద్వారా వచ్చిన బజ్‌ను అడ్వాన్స్ బుకింగ్స్ రూపంలోకి, భారీ టికెట్ సేల్స్‌గా మార్చడం అనేది ఇప్పుడు విజయ్, దర్శకుడు రాహుల్ సంకృత్యాన్ ముందున్న అతిపెద్ద సవాల్. సినిమా కంటెంట్ పబ్లిక్ కు కనెక్ట్ అయితే వసూళ్ల వర్షం కురవడం, బడ్జెట్ రికవరీ కావడం చాలా ఈజీ అవుతుంది.

ఈ సినిమాకు ఉన్న మరో అతిపెద్ద అడ్డంకి బాక్సాఫీస్ క్లాష్. రణబాలి బాక్సాఫీస్ దగ్గర సోలోగా రిలీజ్ కావడం లేదు, సరిగ్గా అదే సమయంలో రజనీకాంత్ మోస్ట్ అవేటెడ్ మూవీ జైలర్ 2 కూడా భారీ అంచనాలతో థియేటర్లలోకి వస్తోంది. జైలర్ మొదటి భాగం ఎంత పెద్ద ఇండస్ట్రీ హిట్ అయిందో అందరికీ తెలిసిందే. ఇప్పుడు ఆ క్రేజ్ తో వస్తున్న డబ్బింగ్ సినిమాతో పోటీ పడుతూ, థియేటర్లను నిలబెట్టుకుని కలెక్షన్లు రాబట్టడం రణబాలి టీమ్‌కు మామూలు టాస్క్ కాదు. ఒకవైపు జైలర్ 2 తో ముఖాముఖి బాక్సాఫీస్ వార్, మరోవైపు ఆన్‌లైన్‌లో కొంతకాలంగా నడుస్తున్న ఫేక్ నెగిటివ్ క్యాంపైనింగ్, ఇంకోవైపు ఏమాత్రం తగ్గని భారీ బడ్జెట్ రికవరీ లెక్కలు ఈ మూడు కఠినమైన సవాళ్లను సమర్థవంతంగా దాటుకుని రణబాలి విజయం సాధిస్తే మాత్రం, విజయ్ దేవరకొండ కెరీర్‌లో ఇది ఒక తిరుగులేని మైలురాయిగా నిలిచిపోతుంది. భారీ అంచనాల మధ్య అక్టోబర్ 16వ తేదీన థియేటర్లలోకి అడుగుపెడుతున్న ఈ పీరియాడిక్ యాక్షన్ డ్రామా సగటు ప్రేక్షకులను ఏ మేర మెప్పిస్తుందో, ఈ నెగిటివిటీని దర్జాగా దాటుకుని సరికొత్త బాక్సాఫీస్ రికార్డులను ఎలా తిరగరాస్తుందో వేచి చూడాల్సిందే.