AK47: ఆదర్శ కుటుంబం మళ్లీ వాయిదా.. అసలు కారణం అదన్నమాట..!

వెంకటేష్, త్రివిక్రమ్ శ్రీనివాస్ కాంబినేషన్ అనగానే ప్రేక్షకుల్లో ఎలాంటి అంచనాలు ఉంటాయో ప్రత్యేకంగా చెప్పాల్సిన అవసరం లేదు. మల్లీశ్వరి, నువ్వు నాకు నచ్చావ్ లాంటి ఎవర్ గ్రీన్ బ్లాక్ బస్టర్స్ తర్వాత వీళ్లిద్దరి కలయికలో వస్తున్న లేటెస్ట్ మూవీ ఆదర్శ కుటుంబం పై అనౌన్స్‌మెంట్ రోజు నుంచే భారీ హైప్ క్రియేట్ అయింది. హారిక అండ్ హాసిని క్రియేషన్స్ బ్యానర్‌పై సూర్యదేవర రాధాకృష్ణ ఎంతో ప్రతిష్టాత్మకంగా నిర్మిస్తున్న ఈ సినిమాలో శ్రీనిధి శెట్టి, నివేదా పేతురాజ్ హీరోయిన్లుగా నటిస్తుండగా నారా రోహిత్, పూజిత పొన్నాడ కీలక పాత్రల్లో కనిపిస్తున్నారు. ఎస్ఎస్ తమన్ మ్యూజిక్ అందిస్తున్న ఈ సినిమా ఫ్యామిలీ ఆడియన్స్‌కు ఒక పెద్ద విజువల్ ట్రీట్ లా ఉంటుందని ఫ్యాన్స్ అంతా ఎదురుచూస్తున్నారు. అయితే ఈ సినిమాకు మొదటి నుంచి రిలీజ్ డేట్ సమస్యలు వెంటాడుతూనే ఉన్నాయి. మొదట అక్టోబర్ 2న గాంధీ జయంతి లాంగ్ వీకెండ్ కానుకగా ఈ చిత్రాన్ని గ్రాండ్ గా విడుదల చేయాలని ప్లాన్ చేశారు. ఆ తర్వాత దాన్ని అక్టోబర్ 9కి మార్చి దసరా సెలవులను క్యాష్ చేసుకోవాలని అనుకున్నారు. కానీ ఇప్పుడు సడెన్‌గా అక్టోబర్ 9 నుంచి ఏకంగా అక్టోబర్ 30కి వాయిదా వేస్తున్నట్లు టాలీవుడ్ లో గట్టిగా వినిపిస్తోంది. ఒకేసారి ఏకంగా మూడు వారాలు పోస్ట్ పోన్ చేయడం వెనక అసలు రీజన్ ఏంటా అని ఇండస్ట్రీ సర్కిల్స్‌లో పెద్ద చర్చే నడుస్తోంది.

సరిగ్గా రిలీజ్ టైమ్ దగ్గర పడుతున్న సమయంలో ఇలా సడెన్‌గా సినిమాను వాయిదా వేయడానికి మేకర్స్ చెప్తున్న రీజన్ ఏంటంటే ఇంకా డబ్బింగ్ పనులు పూర్తి కాలేదంటున్నారు. అయితే ఈ కవర్ డ్రైవ్ ఇండస్ట్రీలో ఎవరికీ పెద్దగా నమ్మశక్యంగా అనిపించడం లేదు. ఎందుకంటే హారిక అండ్ హాసిని క్రియేషన్స్ లాంటి ఒక పెద్ద నిర్మాణ సంస్థ ఒక రిలీజ్ డేట్ లాక్ చేసిన తర్వాత పోస్ట్ ప్రొడక్షన్ పనుల్లో ఇలాంటి డిలేస్ జరగడం చాలా అరుదు. పైగా మొన్నటికి మొన్నే ప్రొడ్యూసర్ నాగవంశీ మీడియాతో మాట్లాడుతూ ఆదర్శ కుటుంబం సినిమా పక్కాగా అక్టోబర్ 9న థియేటర్లలోకి వస్తుందని, ఆ డేట్ లో ఎలాంటి మార్పు ఉండదని చాలా కాన్ఫిడెంట్‌గా చెప్పారు. స్వయంగా ప్రొడ్యూసర్ అలా చెప్పిన కొన్ని రోజులకే మాట మార్చి చివరి నిమిషంలో ఇలా రిలీజ్ డేట్ మార్చడం వెనక కచ్చితంగా ఏదో పెద్ద రీజన్ ఉందనే డౌట్స్ అందరిలోనూ మొదలయ్యాయి. కేవలం డబ్బింగ్ పనులు పెండింగ్ ఉంటే ఆర్టిస్టులతో ఒకట్రెండు రోజులు రేయింబవళ్లు కష్టపడినా పూర్తవుతాయి కానీ, ఒక డబ్బింగ్ సాకు చూపి ఏకంగా మూడు వారాల పాటు సినిమాను డిలే చేయాల్సిన అవసరం ఏముందని సోషల్ మీడియాలో నెటిజన్లు సైతం ప్రశ్నిస్తున్నారు.

అయితే ఇండస్ట్రీ వర్గాల నుంచి వినిపిస్తున్న అసలు ఇన్ సైడ్ టాక్ వేరేలా ఉంది. సినిమా ఫైనల్ ఔట్ పుట్ విషయంలో హారిక అండ్ హాసిని క్రియేషన్స్ టీమ్ ఏమంత సంతృప్తిగా లేరని తెలుస్తోంది. త్రివిక్రమ్ మార్క్ ఎంటర్టైన్మెంట్, వెంకటేష్ వింటేజ్ కామెడీ టైమింగ్ ఈ సినిమాలో అనుకున్నంత స్థాయిలో వర్కవుట్ కాలేదని మేకర్స్ భావిస్తున్నారని తెలుస్తుంది. ఎడిటింగ్ టేబుల్ మీద రష్ చూసుకున్న తర్వాత సెకండ్ హాఫ్ లోని కొన్ని ఫ్యామిలీ ఎమోషన్స్, అలాగే క్లైమాక్స్ పట్ల అసంతృప్తి వ్యక్తం చేసినట్లు వార్తలు వస్తున్నాయి. ఎలాగూ చేతిలో కాస్త టైమ్ ఉంది కదా అని ఫైనల్ కాపీని అలాగే రిలీజ్ చేసి రిస్క్ చేయడం కంటే, సినిమాకు మరికొన్ని మెరుగులు దిద్దితే బాగుంటుందని త్రివిక్రమ్ డిసైడ్ అయ్యారట. అందుకే చివరి నిమిషంలో మళ్లీ స్క్రిప్ట్ లో కొన్ని మార్పులు చేర్పులు చేయడానికి సిద్ధమయ్యారని గట్టి టాక్ నడుస్తోంది. కొన్ని ప్యాచ్ వర్క్ సీన్స్ తో పాటు కీ రోల్స్ మధ్య వచ్చే డైలాగ్స్ ను రీషూట్ చేయడానికి కూడా ప్లాన్ చేస్తున్నారట. ఇలాంటి కరెక్షన్స్ అన్నీ పూర్తి చేసి, ఔట్ పుట్ పక్కాగా వచ్చిన తర్వాతే సినిమాను ఆడియన్స్ ముందుకు తీసుకురావాలనే ఉద్దేశ్యంతోనే మేకర్స్ అక్టోబర్ 30వ తేదీని లాక్ చేసుకున్నారని గుసగుసలు వినిపిస్తున్నాయి.

ఇక ఈ వాయిదా వెనక ఉన్న లాస్ట్ అండ్ మోస్ట్ ఇంట్రెస్టింగ్ ట్విస్ట్ ఏంటంటే అదే రోజు అంటే అక్టోబర్ 9న బాలీవుడ్ నుంచి వస్తున్న భారీ పాన్ ఇండియా మూవీ హనుమాన్ అంశ్ తెలుగు వెర్షన్ కూడా రిలీజ్ కాబోతోంది. ఇక్కడే ఒక పెద్ద ఇగో క్లాష్ దాగి ఉందని ట్రేడ్ వర్గాలు విశ్లేషిస్తున్నాయి. వాస్తవానికి ఈ హనుమాన్ అంశ్ సినిమా తెలుగు థియేట్రికల్ రైట్స్ తీసుకోవాలని, దాన్ని మన దగ్గర గ్రాండ్ గా రిలీజ్ చేయాలని త్రివిక్రమ్ శ్రీనివాస్ మొదట్లో చాలా ట్రై చేశారు. కానీ కొన్ని బిజినెస్ లెక్కల వల్ల, అలాగే డిస్ట్రిబ్యూషన్ రేట్ల విషయంలో తలెత్తిన విభేదాల వల్ల ఆ డీల్ ఆయన చేజారింది. ఫైనల్ గా ఆ సినిమా డిస్ట్రిబ్యూషన్ రైట్స్ కేజీఎఫ్, సలార్ లాంటి బ్లాక్ బస్టర్స్ ప్రొడ్యూస్ చేసిన హోంబలే ఫిల్మ్స్ చేతికి వెళ్లాయి. దీంతో ఆదర్శ కుటుంబం సినిమాను అదే అక్టోబర్ 9న బరిలో దించి బాక్సాఫీస్ దగ్గర సత్తా చాటాలని త్రివిక్రమ్ భావించారు. హోంబలే ఫిల్మ్స్ లాంటి పెద్ద సంస్థ రిలీజ్ చేస్తున్న హనుమాన్ అంశ్ తో డైరెక్ట్ గా బాక్సాఫీస్ ఫైట్ కు రెడీ అయ్యారు. కానీ ఇప్పుడు పరిస్థితులు పూర్తిగా మారిపోయాయి. హనుమాన్ అంశ్ ముందు వచ్చేస్తుందిప్పుడు.

ఇప్పుడు గనక ఆదర్శ కుటుంబం అక్టోబర్ 9 నుంచి తప్పుకుంటే, ఇండస్ట్రీలో మరో కొత్త ప్రచారం మొదలవుతుందని మేకర్స్ టెన్షన్ పడుతున్నారు. హనుమంతుడికి భయపడి వెంకటేష్ సినిమా తప్పుకున్నట్లు అవుతుందేమో, ఆ సినిమా మీద ఉన్న హైప్ చూసి త్రివిక్రమ్ తమ సినిమాను సైడ్ చేసారనే నెగిటివ్ టాక్ వస్తుందేమో అని ఆలోచిస్తున్నారు కూడా. కానీ సినిమా ఔట్ పుట్ మీద తమకే పూర్తి నమ్మకం లేనప్పుడు అంత పెద్ద సినిమాతో పోటీ పడటం కంటే, సోలో రిలీజ్ డేట్ చూసుకుని రావడమే బెటర్ అనే నిర్ణయానికి వచ్చినట్లు సమాచారం. అక్టోబర్ 30 అయితే దీపావళి హాలిడేస్ కూడా బాగా కలిసి వస్తాయని, అప్పటికల్లా కరెక్షన్స్ అన్నీ పూర్తి చేసుకుని ఒక పర్ఫెక్ట్ బొమ్మను ఆడియన్స్ కు డెలివరీ చేయొచ్చని హారిక అండ్ హాసిని టీమ్ గట్టిగా నమ్ముతోందని వార్తలు వస్తున్నాయి. ఏదేమైనా గత కొంతకాలంగా సరైన బ్లాక్ బస్టర్ హిట్ కోసం వెయిట్ చేస్తున్న త్రివిక్రమ్‌కు ఈ ప్రాజెక్ట్ కెరీర్ పరంగా చాలా కీలకం. మరి ఈ అదనపు సమయాన్ని వాడుకుని వాళ్లు ఆదర్శ కుటుంబం చిత్రాన్ని ఎంత పర్ఫెక్ట్ గా మలిచి బాక్సాఫీస్ దగ్గర మ్యాజిక్ చేస్తారో వేచి చూడాలి.